జీడిమెట్ల, వెలుగు: బాచుపల్లిలోని మేడికుంట చెరువు ఎఫ్టీఎల్ పరిధిని ఆక్రమించి రహదారి వైపు ఏర్పాటు చేసిన సుమారు 10 మాంసం, చేపల దుకాణాలను హైడ్రా శనివారం తొలగించింది. గతంలో 21 ఎకరాలున్న ఈ చెరువు ఆక్రమణల వల్ల 18 ఎకరాలకు తగ్గిపోవడమే కాకుండా వ్యర్థాలతో కలుషితమవుతోందని హైడ్రాకు ఇటీవల స్థానికులు ఫిర్యాదు చేశారు. దీంతో క్షేత్రస్థాయి పరిశీలన అనంతరం ఆక్రమణలను తొలగించిన అధికారులు.. చెరువులోకి చెత్త వేయకుండా 10 మీటర్ల ఎత్తుతో ఫెన్సింగ్ను ఏర్పాటు చేశారు.
మచ్చ బొల్లారంలోనూ కూల్చివేతలుఅల్వాల్, వెలుగు: అల్వాల్ సర్కిల్ పరిధిలోని మచ్చ బొల్లారం మార్కెట్లో ఏళ్ల తరబడి నెలకొన్న ట్రాఫిక్ సమస్యలకు చెక్ పెడుతూ అధికారులు శనివారం భారీ ఆక్రమణల తొలగింపు చేపట్టారు. జీహెచ్ఎంసీ, ట్రాఫిక్ పోలీసులు సంయుక్తంగా నిర్వహించిన ఈ స్పెషల్ డ్రైవ్లో రోడ్డుకు ఇరువైపులా ఉన్న అక్రమ కట్టడాలను తొలగించారు.
