హైదరాబాద్ సిటీ, వెలుగు: సంగారెడ్డి జిల్లాలోని కంది ఐఐటీ క్యాంపస్ లో జీహెచ్ఎంసీ వర్కర్ల పిల్లలు శనివారం సందడి చేశారు. ఎక్స్పోజర్ విజిట్ చేయగా ఐఐటీ ప్రొఫెసర్లు, స్టూడెంట్స్ తో ఇంటరాక్షన్, వివిధ అంశాలపై అవగాహన కల్పించారు. కార్మికుల పిల్లల జీవితాల్లో ఆశల దీపం వెలిగించే వినూత్న ప్రోగ్రామ్ ను జీహెచ్ఎంసీ తొలిసారి మొదలుపెట్టింది. ప్రతి సర్కిల్ నుంచి ముగ్గురు చొప్పున 180 మంది స్టూడెంట్స్ ను 6 బస్సుల్లో ఐఐటీహెచ్ క్యాంపస్ సందర్శనకు అధికారులు తీసుకెళ్లారు. క్యాంపస్ లోని ప్రత్యేకతల గురించి తెలుసుకున్నారు. ఐఐటీ ప్రొఫెసర్లు, స్టూడెంట్స్ తో ఇంటరాక్షన్ నిర్వహించారు.
