భిక్కనూరు, వెలుగు: రైతు ప్రభుత్వమంటూ గొప్పలు చెప్పుకుంటున్న కేసీఆర్ ప్రభుత్వం ధరణి పోర్టల్ తీసుకొచ్చి రైతులను ఇబ్బందులు పెడుతుందని తిప్పాపూర్ గ్రామ రైతులు ఆవేదన వ్యక్తం చేశారు. శనివారం గ్రామంలో సమావేశమైన రైతులు పార్టీలకు అతీతంగా కామారెడ్డిలో కేసీఆర్పై పోటీగా వంద నామినేషన్లు వేయాలని తీర్మానించుకున్నట్లు చెప్పారు. ధరణి పోర్టల్ వచ్చిన తర్వాత రైతుల అవసరాల కోసం భూములు అమ్ముకోడానికి వీలు లేకుండా పోతుందన్నారు. ఈ నెల 6న గ్రామ రైతులందరూ కలిసి ట్రాక్టర్లపై వెళ్లి నామినేషన్లు వేస్తామని తెలిపారు. కార్యక్రమంలో కాంగ్రెస్కిసాన్సెల్జిల్లా ఉపాధ్యక్షుడు కుంట లింగారెడ్డి, రైతులు నాగర్తి విఠల్రెడ్డి, బోయిని యాదయ్య, సాయిలు, సాయిరెడ్డి, సిద్ధరాములు పాల్గొన్నారు.
