న్యూఢిల్లీ: ప్రైవేట్ రంగ బ్యాంకు ఫెడరల్ బ్యాంకుకు ఈ ఏడాది సెప్టెంబరుతో ముగిసిన రెండో క్వార్టర్లో నికర లాభం 52.89 శాతం పెరిగి రూ.703.71 కోట్లుగా నమోదైంది. బ్యాంకు గత ఏడాది ఇదేకాలంలో రూ.460.26 కోట్ల లాభాన్ని సంపాదించింది. మొత్తం ఆదాయం రూ. 3,870.90 కోట్ల నుండి రూ.4,630.30 కోట్లకు పెరిగింది. అసెట్ క్వాలిటీని గమనిస్తే బ్యాంకు గ్రాస్ఎన్పీఏలు 2021 సెప్టెంబర్ చివరి నాటికి రూ.4,445.84 కోట్ల నుంచి రూ.4,031.06 కోట్లకు తగ్గాయి. నికర ఎన్పీఏలు 1.12 శాతం (రూ. 1,502.44 కోట్లు) నుంచి 0.78 శాతానికి (రూ. 1,262.35 కోట్లు) తగ్గాయని బ్యాంకు తెలిపింది.
