రోజు రోజుకు అగ్నిప్రమాదాలు పెరుగుతూనే ఉన్నాయి. మొన్న ముంబాయి, నిన్న ఢిల్లీ, నేడు హైదరాబాద్. హైదరాబాద్ టోలి చౌకిలో భారీ అగ్ని ప్రమాదం జరిగింది. ముస్కాన్ షాపింగ్ కాంప్లెక్స్‌లో ఈ ప్రమాదం జరిగింది. షార్ట్ సర్క్యూట్ కారణంగానే ఈ ప్రమాదం జరిగినట్లు సమాచారం. ప్రమాద సమయంలో కాంప్లెక్స్‌లో ఎవరూ లేకపోవడంతో ప్రాణనష్టం తప్పింది. ఈ ప్రమాదం వల్ల షాపులలోని బట్టలు పూర్తిగా కాలిపోయాయి. భారీగా ఆస్తి నష్టం జరిగినట్లు తెలుస్తోంది. మంటలు పక్కనున్న షాపులకు కూడా విస్తరిస్తున్నాయి. సంఘటనా స్థలానికి చేరుకున్న ఫైర్ సిబ్బంది.. నాలుగు ఫైరింజన్లతో మంటలను అదుపులోకి తేవడానికి ప్రయత్నిస్తున్నారు.
