హైదరాబాద్ లో వరుస అగ్నిప్రమాదాలు జనాన్ని భయపెడుతున్నాయి. గురువారం ఉదయం రంగారెడ్డి జిల్లా, రాజేంద్రనగర్ సాయిబాబానగర్ లో భారీ అగ్ని ప్రమాదం జరిగింది. ఇండ్ల మధ్యన ఉన్న ఓ ప్లాస్టిక్ కంపెనీలో ప్రమాదంతో.. మంటలు భారీగా ఎగసిపడ్డాయి. దట్టమైన పొగలు వ్యాపించడంతో.. స్థానికులు ఆందోళనకు గురయ్యారు. ఫైర్ సిబ్బందికి సమాచారం ఇవ్వడంతో.. గంటపాటు శ్రమించి మంటలను ఆర్పేశారు అగ్నిమాపక సిబ్బంది.
బాలానగర్ పారిశ్రామిక వాడలో మరో అగ్నిప్రమాదం జరిగింది. ఓ గోడౌన్ లో మంటలు అంటుకుని.. లోపల ఉన్న సామాగ్రి మొత్తం కాలిబూడిద అయింది. ప్రమాద స్థలానికి చేరుకున్న అగ్నిమాపక సిబ్బంది మంటలను అదుపులోకి తెచ్చారు. షార్ట్ సర్క్యూట్ తోనే ఫైర్ యాక్సిడెంట్ జరిగినట్లు అనుమానిస్తున్నారు.
…
