- వెంటనే ఆర్పివేసిన అగ్ని మాపక శాఖ
- గురువారం అర్ధరాత్రి ప్రమాదంలో ఇద్దరు పోలీసులకు గాయాలు
- రూ.కోటి పైగానే ఆస్తి నష్టం
గ్రేటర్వరంగల్, వెలుగు: వరంగల్ పోచమ్మ మైదాన్సెంటర్లోని జకోటియా షాపింగ్మాల్లో గురువారం అర్ధరాత్రి జరిగిన అగ్ని ప్రమాదం నుంచి తేరుకోకముందే శుక్రవారం ఉదయం మళ్లీ మంటలు చెలరేగాయి. గురువారం రాత్రి 7 గంటల సమయంలో జకోటియా షాపింగ్మాల్లోని ఎస్బీఐ లైఫ్ఇన్స్యూరెన్స్లో ష్యార్ట్ సర్క్యూట్కారణంగా అగ్ని ప్రమాదం జరగ్గా ఎస్బీఐ ఉద్యోగులతో పాటు షాపు యజమానులు లోపల చిక్కుకుపోయారు. మట్టెవాడ ఎస్ఐ గోపి, హోమ్గార్డ్ ప్రాణాలకు తెగించి లోపలికి వెళ్లి అద్దాలను పగలగొట్టి వారిని బయటికి తీసుకచ్చారు. ఈ సందర్భంగా వారిద్దరూ గాయపడడంతో వరంగల్ఎంజీఎం దవాఖానకు తరలించారు. అగ్నిమాపక సిబ్బంది ఐదు ఫైర్ఇంజన్లతో అర్ధరాత్రి వరకు అదుపులోకి తీసుకవచ్చారు. అయితే, శుక్రవారం ఉదయం 6 గంటల సమయంలో మళ్లీ మంటలు చెలరేగగా, వెంటనే అక్కడికి చేరుకున్న అగ్నిమాపక సిబ్బంది ఫైర్ఇంజిన్లతో మంటలను అదుపులోకి తీసుకువచ్చారు. గురువారం రాత్రి జరిగిన ప్రమాదంలో సుమారుగా రూ.కోటి పైగా ఆస్తి నష్టం జరిగి ఉంటుందని భావిస్తున్నారు. ఎస్ బీఐ లైఫ్ ఇన్సూరెన్స్లోని ఫైల్స్తో పాటు కంప్యూటర్స్, ఫర్నిచర్, ఇతర షాపుల్లోని వస్తువులు దగ్ధమయ్యాయి.
