హైదరాబాద్: శంషాబాద్ అంతర్జాతీయ విమానాశ్రయంలో విమానం అత్యవసరంగా ల్యాండింగ్ అయింది. ఢిల్లీ నుండి చెన్నై వెళుతున్న ఇండిగో విమానం ( (6E6115)లో ప్రయాణికుడి పవర్ బ్యాంక్‌లో ఒక్కసారిగా మంటలు చెలరేగాయి. మంటలను గమనించిన సిబ్బంది వెంటనే అప్రమత్తమయ్యారు. ఎయిర్ క్రాఫ్ట్లోని ఫైర్ సేఫ్టీ చర్యలతో మంటలను ఆర్పివేశారు.
ప్రమాదం కారణంగా చెన్నై వెళ్లాల్సిన విమానాన్ని హైదరాబాద్కు దారి మళ్లించి శంషాబాద్ ఎయిర్ పోర్ట్లో ఎమర్జెన్సీ లాండింగ్ చేశారు. ప్రయాణికులందరూ క్షేమంగా ఉన్నారు. పవర్ బ్యాంక్ పేలుడు ప్రమాదంపై అధికారులు ఆరా తీస్తున్నారు. ఎలాంటి అవాంఛనీయ ఘటన చోటు చేసుకోకపోవడంతో ప్రయాణికులు, ఎయిర్ లైన్స్ సిబ్బంది, అధికారులు ఊపిరి పీల్చుకున్నారు.
