చండీగఢ్: పంజాబ్‌‌‌‌లో ఘోర ప్రమాదం చోటుచేసుకుంది. పటాకుల తయారీ యూనిట్‌‌‌‌లో పేలుడు సంభవించి ఐదుగురు మరణించారు. మరో 30 మంది గాయపడ్డారు. పంజాబ్ -హర్యానా సరిహద్దులో శ్రీ ముక్త్‌‌‌‌సర్ సాహిబ్ జిల్లాలోని సింగేవాలా-కోట్లి రోడ్డులో లంబి గ్రామానికి దగ్గర్లో ఉన్న రెండు అంతస్తుల ఫ్యాక్టరీ యూనిట్‌‌‌‌లో శుక్రవారం తెల్లవారుజామున ఒంటి గంట ప్రాంతంలో ఈ పేలుడు సంభవించిందని పోలీసులు తెలిపారు.
పేలుడు తీవ్రతకు భవనం పైకప్పు ఇతర భాగాలు కూలిపోయాయని పేర్కొన్నారు. ఘటనకు సంబంధించిన సమాచారం అందిన వెంటనే పోలీసులు స్పాట్కు చేరుకొని శిథిలాల కింద చిక్కుకున్నవారిని రక్షించారు. పటాకుల తయారీలో ఉపయోగించిన పదార్థాల వల్లే పేలుడు సంభవించినట్టు తెలుస్తోందని వారు పేర్కొన్నారు.
