గద్వాల, వెలుగు : భీమా నది నుంచి జూరాల ప్రాజెక్ట్‌‌కు భారీగా వరద వస్తోంది. జూరాలకు రెండు లక్షల క్యూసెక్కులకు పైగా ఇన్‌‌ఫ్లో వస్తుండడంతో 26 గేట్లను ఓపెన్‌ చేసి 1,77,710 క్యూసెక్కుల నీటిని దిగువకు వదులుతున్నారు. అలాగే జూరాల నుంచి విద్యుత్‌ ఉత్పత్తి కోసం 30,400 క్యూసెక్కులు, నెట్టెంపాడు లిఫ్ట్‌‌కు 750, బీమా లిఫ్ట్‌‌కు 650, లెఫ్ట్ కెనాల్‌‌కు 1,030, రైట్‌ కెనాల్‌‌కు 570, బీమా లిఫ్ట్‌ 2కు 750 క్యూసెక్కులు కలిపి మొత్తం 2,11,155 క్యూసెక్కుల నీటిని దిగువకు వదులుతున్నారు.
సాగర్‌ 20 గేట్లు ఓపెన్‌
హాలియా, వెలుగు : నాగార్జునసాగర్‌‌కు ఎగువ నుంచి వరద పెరిగింది. సాగర్‌‌కు ప్రస్తుతం 2,05,796 క్యూసెక్కుల నీరు వస్తుండడంతో 20 గేట్లను ఐదు అడుగుల మేర ఎత్తి 1,57,600 క్యూసెక్కుల నీటిని విడుదల చేస్తున్నారు. నాగార్జునసాగర్‌ పూర్తిస్థాయి నీటి మట్టం 590 అడుగులు (312.0450 టీఎంసీలు) కాగా, ప్రస్తుతం 587.10 అడుగుల (306.0414 టీఎంసీల) నీరు నిల్వ ఉంది. సాగర్‌ నుంచి ఎడమకాల్వకు 8,629 క్యూసెక్కులు, కుడి కాల్వకు 9,500, ఏఎమ్మార్పీకి 2,400, వరద కాల్వకు 300, విద్యుత్‌ ఉత్పత్తికి 32,886 క్యూసెక్కుల నీటిని విడుదల చేస్తున్నారు.
