- ఎగువ నుంచి 2.73 లక్షల క్యూసెక్కుల ఇన్‌‌ఫ్లో
- 26 గేట్ల ద్వారా నీటి విడుదల
హాలియా, వెలుగు : శ్రీశైలం నుంచి నాగార్జునసాగర్‌‌‌‌కు వరద పోటెత్తుతోంది. సాగర్‌‌కు 2,73,641 క్యూసెక్కుల వరద వస్తుండడంతో మొత్తం 26 గేట్లను ఓపెన్‌ చేసి నీటిని విడుదల చేస్తున్నారు. 22 గేట్లను ఐదు అడుగులు, నాలుగు గేట్లను10 అడుగులు మేర ఎత్తి 2,30,182 క్యూసెక్కుల నీటిని వదులుతున్నారు. నాగార్జునసాగర్‌ పూర్తిస్థాయి నీటిమట్టం 590 అడుగులు (312. 0450 టీఎంసీలు) కాగా ప్రస్తుతం 587.40 అడుగుల (305.7464 టీఎంసీలు) నీరు నిల్వ ఉంది.
సాగర్‌ నుంచి కుడి కాల్వకు 8,529 క్యూసెక్కులు, హైదరాబాద్ జంట నగరాల తాగునీటి అవసరాల కోసం ఏఎమ్మార్పీకి 2,400 క్యూసెక్కులు, వరద కాల్వకు 300 క్యూసెక్కులు, విద్యుత్‌ ఉత్పత్తికి 33,130 క్యూసెక్కుల నీటిని విడుదల చేస్తున్నారు.
