- గౌడ్ల కోసమే టీఆర్ఎస్లో చేరిన
- శాసనమండలి మాజీ చైర్మన్ స్వామి గౌడ్
చండూరు, వెలుగు: గౌడ్లకు బీజేపీలో న్యాయం జరగదనే తాను టీఆర్ఎస్ లో చేరినట్లు శాసనమండలి మాజీ చైర్మన్ స్వామి గౌడ్ చెప్పారు. మంగళవారం చండూరులో టీఆర్ఎస్లోని గౌడ కులస్థులతో కలిసి ఆయన మీడియాతో మాట్లాడారు. హైదరాబాద్కు కల్లు సరఫరా చేసుకునేందుకు అనుమతి ఇవ్వాలని, గౌడ కులస్థులకు వ్యాపారాలు చేసుకునేలా అవకాశాలు కల్పించాలని మంత్రి కేటీఆర్ను కోరినట్లు చెప్పారు.
కల్లుగీత కార్మికులకు వాహనాలు అందజేయాలని కోరగా మంత్రి ఇస్తామని హామీ ఇచ్చారని తెలిపారు. బీజేపీ రూ.18 వేల కోట్లతో రాజగోపాల్రెడ్డిని కొనుగోలు చేసిందని టీఆర్ఎస్లీడర్బూడిద భిక్షమయ్య గౌడ్ఆరోపించారు. సమావేశంలో ఎమ్మెల్సీ గంగాధర్ గౌడ్, తెలంగాణ గౌడ్ సంఘం వర్కింగ్ ప్రెసిడెంట్, జడ్పీ వైస్ చైర్మన్ గోపగాని వెంకట నారాయణగౌడ్, పల్లె రవికుమార్ గౌడ్ ఇతర నాయకులు పాల్గొన్నారు.
