- డెవలప్ మెంట్ను పక్కన పెట్టి, హింసకు తావు
- కాషాయాన్ని ఆపడం పౌరుల బాధ్యత
- మాజీ ఐఏఎస్ ఆఫీసర్ ఆకునూరి మురళి
నిజామాబాద్, డిచ్పల్లి, వెలుగు : లోక్సభ ఎన్నికల్లో బీజేపీని నిలువరించాల్సిన బాధ్యత పౌరసమాజంపై ఉందని మాజీ ఐఏఎస్అధికారి ఆకునూరి మురళి అభిప్రాయపడ్డారు. అభివృద్ధిని పక్కదారి పట్టించి, దేశంలో హింసను ప్రేరేపించడమే లక్ష్యంగా ఆ పార్టీ పనిచేస్తుందన్నారు. ఎలక్షన్లో బీజేపీని ఆపేందుకు యూనివర్సిటీ స్టూడెంట్స్తో కలిసి ముందుకు వెళ్లాలని తెలంగాణ జాగో డిసైడ్అయిందన్నారు. మంగళవారం ఆయన తెలంగాణ విశ్వవిద్యాలయాన్ని విజిట్ చేశారు. అనంతరం నిజామాబాద్లో మీడియాతో మాట్లాడారు.
పేద ప్రజలు ఇప్పటికే చాలా నష్టపోయారని, విద్యార్థులకు స్కాలర్షిప్స్, ఫెలోషిప్స్ అందడం లేదన్నారు. విద్యార్థిలోకానికి బీజేపీ గవర్నమెంట్తో జరుగుతున్న నష్టాన్ని ప్రజలకు వివరిస్తామన్నారు. ఇందుకోసం రాష్ట్రంలోని 13 వర్సిటీల్లో సభలు నిర్వహిస్తామన్నారు. మొదటి సభను హైదరాబాద్వర్సిటీలో, చివరి సభను మార్చి 12న తెలంగాణ వర్సిటీలో నిర్వహించాలని నిర్ణయించామన్నారు.
జాగో తెలంగాణ కోర్కమిటీ మెంబర్ప్రొఫెసర్నిర్మల, స్టేట్ డెమొక్రటిక్ ఫోరం కన్వీనర్ వినాయక్రెడ్డి, పీడీఎస్యూ స్టేట్ప్రెసిడెంట్ మహేశ్, జిల్లా అధ్యక్షుడు నరేందర్, ఏఐఎస్ఎఫ్స్టూడెంట్ యూనియన్ లీడర్లు అంజలి, కర్క గణేశ్, రాజేశ్వర్, రఘురాం, ఆషూర్, నిఖిల్ పాల్గొన్నారు.
