ఇందల్వాయి, వెలుగు: కమీషన్లు, కార్యకర్తల కోసమే బీఆర్ఎస్ ప్రభుత్వం స్కీమ్లు ప్రవేశపెడుతోందని మాజీ ఎమ్మెల్సీ, కాంగ్రెస్ నిజామాబాద్రూరల్ఇన్చార్జి డాక్టర్ భూపతిరెడ్డి మండిపడ్డారు. బుధవారం ఇందల్వాయిలో నిర్వహించిన ప్రెస్మీట్లో ఆయన మాట్లాడారు. దళిత బంధు, బీసీ బంధు, గృహ లక్ష్మి స్కీమ్ల అమలులో అత్యంత అవినీతి జరుగుతోందని, పేదలకు ఒక్కరూపాయి కూడా చేరడం లేదన్నారు.
అందుకే స్థానిక ఎమ్మెల్యేలకు ప్రజల నుంచి వ్యతిరేకత ఎదురవుతోందన్నారు. స్వయంగా సీఎం కేసీఆరే తమ ఎమ్మెల్యే లు దళితబంధు లో 30 శాతం కమీషన్ తీసుకుంటున్నారని ఒప్పుకోవడం పరిస్థితికి అద్దం పడుతుందన్నారు. సిర్నాపల్లి లోకి ఎమ్మెల్యేని రానివ్వమని దళితులు రోడ్డు బ్లాక్ చేయడాన్ని గుర్తుచేశారు. వచ్చే ఎన్నికల్లో కమీషన్ల ప్రభుత్వాన్ని బొందపెట్టి, కాంగ్రెస్కు పట్టం కట్టాలన్నారు.అనంతరం ఆశా కార్యకర్తలకు మద్దతుగా వారి ధర్నాలో పాల్గొన్నారు. కాంగ్రెస్మండలాధ్యక్షుడు నవీన్గౌడ్, లీడర్లు సంతోష్ రెడ్డి, మోహన్, భైరయ్య పాల్గొన్నారు.
