- సబ్ఏజెంట్ల ద్వారా కోట్లల్లో వసూళ్లు
- ఇజ్రాయెల్లో జాబ్స్ అంటూ రూ.లక్షల్లో టోకరా
- అప్పులు తీర్చలేక బాధితుల పరేషాన్
నిజామాబాద్, వెలుగు: విదేశాల్లో ఉద్యోగాలతో రూ.లక్షలు సంపాదించొచ్చనే ఆశచూపి డబ్బులు ఎగేసుకెళ్తున్న ఘటనలు జిల్లాలో రోజురోజుకు పెరుగుతున్నాయి. ఏజెంట్లు, సబ్ఏజెంట్లుగా చలామణి అవుతున్నవారు అమాయకులను మాటల్లో దింపి, అప్పులపాలు చేస్తున్నారు. దుబాయ్, ఇజ్రాయెల్ దేశాల్లో కొలువుల ఆశతో నష్టపోయిన బాధితులు మానసిక వేదనను అనుభవిస్తున్నారు. తమ సొమ్ము వాపస్ ఇవ్వాలని ఏజెంట్లను అడిగితే ఉల్టా వార్నింగులు ఎదుర్కొవాల్సి వస్తోంది.
నిరక్షరాస్యులే లక్ష్యంగా..
ఇజ్రాయెల్లో జాబ్స్ఇప్పిస్తానంటూ ఆ దేశంలో ఉంటున్న జిల్లావాసి స్థానికంగా ఇద్దరు సబ్ఏజెంట్లను నియమించుకొని దందా నడుపుతున్నాడు. నెలకు రూ.లక్ష జీతంతో డ్రైవర్, ప్లంబర్, వాచ్మెన్, ఎలక్ట్రీషియన్, పెయింటర్ ఉద్యోగాలు ఉన్నాయని 80 మంది నుంచి తల రూ.6 లక్షల నుంచి రూ.7 లక్షల చొప్పున వసూలు చేయించాడు. ఇలా సుమారు రూ.5 కోట్ల వరకు రాబట్టి చేతులెత్తేశాడు.
దుబాయ్లో నెల రోజులుంటే జాబ్ వీసాకు కంపెనీ స్టాంపింగ్అవుతుందని నమ్మించి మరీ దుబాయ్ దాకా రప్పించాడు. తీరా వెళ్లాక మోసపోయామని తెలుసుకున్న బాధితులు నాలుగు నెలల కింద వాపస్ వచ్చారు. డబ్బులు రిటర్న్చేయమని నందిపేట, ఆర్మూర్ సబ్ ఏజెంట్లను ప్రశ్నించగా తమ వద్ద డబ్బులు లేవని, ఏజెంట్కే ఇచ్చేశామని ఆన్సర్ చెప్పారు. దీంతో జాబ్ఆశతో అప్పులు చేసిన బాధితులు లబోదిబోమంటున్నారు. నిరక్షరాస్యులు లేక చిన్నపాటి చదువులు ఉన్న వారినే ట్రాప్ చేశారు.
ఫోన్ నెంబర్ రిజిస్టర్ అయితే చాలు..
బయటి దేశాల్లో కొలువు చేయడానికి ఎక్కడైనా ఫోన్నెంబర్ రిజిస్ట్రర్ చేయిస్తే చాలు రకరకాల లింకులు పంపుతూ, ఫోన్లు చేస్తూ ఉద్యోగ అవకాశాలు ఉన్నాయంటూ నమ్మిస్తున్నారు. వీడియోలు పంపి జాబ్ సాధించడం సులువనే భావన పెంచుతున్నారు. పాస్పోర్టులపై వీసా స్టాంపింగ్ చేయని దేశాల వివరాలతో ఎక్కువ మోసాలు జరుగుతున్నాయి.
నకిలీ ఏజెంట్ల సమాచారం ఇవ్వండి
విదేశీ జాబ్స్ పేరుతో మోసం చేస్తున్న వారి వివరాలను బాధితులు తెలపాలని సీపీకల్మేశ్వర్ఈ నెల 7న మీడియా ప్రకటన విడుదల చేశారు. సమాచారం ఇచ్చేనవారి పేర్లు సీక్రెట్గా పెడతామన్నారు. కొలువులు, వీసా, పాస్పోర్ట్, టూరిస్టు సేవలు కల్పిస్తామని లైసెన్స్లేని వ్యక్తులు ఆయా సంస్థల పేరుతో మోసం చేస్తున్న సంఘటనలు వెలుగులోకి వస్తున్నాయన్నారు. ఏజెంట్లకు ఆఫీసుల కోసం మడిగెలు, నివాసానికి ఇండ్లు అద్దెకిచ్చే వారు దగ్గర్లోని పోలీస్స్టేషన్లకు వెళ్లి అనుమతులు
తీసుకోవాలన్నారు.
పబ్లిసిటీతో బురిడీ..
విదేశాల్లో రూ.లక్షల జీతంతో ఉద్యోగాలు ఇప్పిస్తామంటూ ముమ్మరంగా పబ్లిసిటీ నిర్వహించి, నమ్మి వచ్చిన వారిని బోల్తా కొట్టిస్తున్నారు. నిజామాబాద్ సిటీలోని వర్ని చౌరస్తాలో ఉండే ఓ ఏజెంట్ కెనడాలో కొలువుల పేరుతో రూ.లక్షలు వసూలు చేసి బాధితులను ఏండ్ల తరబడి వెంట తిప్పించుకుంటున్నాడు. రూరల్ మండలంలో సర్పంచ్గా పనిచేసిన గిరిజన మహిళ భర్తను సబ్ఏజెంట్గా పెట్టుకొని నగదు వసూలు చేశాడు.
బోగస్వీసాను నమ్మి సొమ్ము చేతిలో పెట్టిన బాధితులు నెత్తికొట్టుకుంటున్నారు. సదరు ఏజెంట్ తన రక్షణ కోసం ఇద్దరు పహిల్వాన్లను మెయింటేన్ చేస్తున్నాడు. బాధితులు స్వరం పెంచి మాట్లాడితే పోలీస్ స్టేషన్ వెళ్లమని సలహా ఇస్తున్నాడు. ఎక్కడికి వెళ్లాలో? ఎవరికి న్యాయం అడగాలో తెలియక బాధితులు సతమతమవుతున్నారు. గవర్నమెంట్ ఆఫీసర్లతో వేదికలు ఏర్పాటు చేయించి కొన్ని కంపెనీలు వసూళ్లకు దిగుతున్నాయి.
ఇజ్రాయెల్లో బిల్డింగ్ కన్స్ర్టక్షన్ రంగంలో జాబ్స్అంటూ జనవరి 9న సిటీలోని శివాజీ నగర్ ఐటీఐ కాలేజీ క్యాంపస్లో మేళా నిర్వహించారు. మేళాకు 450 మంది అటెండ్ కాగా, డాక్యుమెంట్ ఖర్చులంటూ కొందరి నుంచి రూ.20 వేల చొప్పున వసూలు చేశారు..
