హైదరాబాద్, వెలుగు: రేషన్ డీలర్లకు జూన్, జులై, ఆగస్టు నెలలకు సంబంధించిన రూ.47.19 కోట్ల కమీషన్ను ప్రభుత్వం విడుదల చేసింది. సెంట్రల్ కార్డులకు కిలోకు రూ.0.50 పైసలు, స్టేట్ కార్డులకు రూ.1.40 చొప్పున కేటాయించింది. జూన్కు సంబంధించి కమీషన్ రూ.15.74 కోట్లు, జులైలో రూ.15.72 కోట్లు, ఆగస్టులో రూ.15.72 కోట్లుగా ఉన్నాయి. 2025, జూన్ నుంచి రాష్ట్రంలో స్మార్ట్ పీడీఎస్ అమల్లోకి వచ్చింది. ఆధార్ బేస్డ్గా పీడీఎస్ పోర్టల్ ద్వారా మార్జిన్ చెల్లింపులు చేస్తున్నారు.
33 జిల్లాల్లో ఎన్ఎఫ్ఎస్ఏ, ఎస్ఎఫ్ఎస్ఏ కార్డుదారులకు సంబంధించిన వేర్వేరు నివేదికలను జిల్లా సివిల్ సప్లయ్స్ అధికారుల (డీసీఎస్వో) లాగిన్ ద్వారా అందుబాటులో ఉంచింది. స్మార్ట్ పీడీఎస్ పోర్టల్లో అప్లోడ్ చేసిన డీలర్ల బ్యాంకు అకౌంట్ వివరాలను పరిశీలించాలని సివిల్ సప్లయ్స్ అధికారులను ప్రభుత్వం ఆదేశించింది.
