హెల్త్ని కాపాడుకోవడానికి ఎన్నో జాగ్రత్తలు పాటిస్తూ ఉంటాం. ఎక్కువ మంది మిగతా విషయాల మీద కాన్సన్ట్రేషన్ చేసినంతగా పళ్ల మీద చేయరు. నిజానికి నోటిని శుభ్రంగా ఉంచుకుంటే సగం ఆరోగ్యాన్ని కాపాడుకున్నట్టే. మనకి అందుబాటులో ఉండే వాటితోనే పళ్లను, నోటిని శుభ్రంగా ఉంచుకోవచ్చు. గ్రీన్ టీలో పళ్లను కాపాడే లక్షణాలు ఉన్నాయని చాలా మందికి తెలియదు.
పళ్లకు సంబంధించిన సమస్యల్లో పాచి ఒకటి. అది పళ్ళు పుచ్చి పోవడానికి కారణమవుతుంది. గ్రీన్టీ తీసుకోవడం వల్ల దీని బారి నుంచి బయటపడొచ్చు. గ్రీన్టీలో ‘ఎపిగల్లోకాటెజిన్ గాలెట్’ ఉంటుంది. ఇది పుచ్చిపోవడానికి కారణమయ్యే బ్యాక్టీరియాతో విపరీతంగా పోరాడుతుంది. కొన్నికొన్ని సార్లు మనం తీసుకునే ఫుడ్లోని చిన్నచిన్న తునకలు పళ్లలో ఇరుక్కుని, బ్యాక్టీరియా ఫామ్ అయి, దంత క్షయానికి కారణమవుతుంది. ఈ విషయంలోనూ గ్రీన్టీ సాయపడుతుంది. బ్యాక్టీరియాను తగ్గించడంలో గ్రీన్టీ మంచి రోల్ పోషిస్తుందని ఎన్నో స్టడీస్ చెప్తున్నాయి. నోటికి సంబంధించిన ఎఫెక్ట్ గొంతు వెనక భాగానికి కూడా పాకుతుంది. అక్కడ బ్యాక్టీరియా పెరిగి నోటి దుర్వాసనకు కారణమవుతుంది. ఆ ప్రదేశాన్ని టూత్బ్రెష్తో కూడా క్లీన్ చేయలేం. దాంతో ఒకసారి బ్యాక్టీరియా చేరాక, దుర్వాసనను దూరం చేయడం కష్టమైన పని. దీనికి కూడా గ్రీన్ టీ ఉపయోగపడుతుంది. గ్రీన్టీలోని పాలీఫెనాల్స్ ఈ బ్యాక్టీరియాను అడ్డుకోవడంలో సాయపడుతుంది.
మరిన్ని వార్తలు
మెట్రో అధికారులపై కేంద్ర మంత్రి కిషన్ రెడ్డి ఫైర్
విజయ్ దేవరకొండ ఆర్థిక సహాయం: గోల్డ్ మెడల్ కొట్టిన కిక్ బాక్సర్