హైదరాబాద్: హైదరాబాద్లో దారుణ ఘటన వెలుగు చూసింది. బాలసదన్లో ఉంటున్న మగ పిల్లలపై లైంగిక దాడికి పాల్పడ్డాడు స్టాఫ్ గార్డ్. ఓ బాలుడు అస్వస్థతకు గురికావడంతో ఆసుపత్రికి తరలించగా ఈ నీచమైన ఘటన బయటపడింది.
వివరాల ప్రకారం.. సైదాబాద్లోని బాలసదన్ హోమ్లో ఓ బాలుడుపై లైంగిక దాడికి పాల్పడ్డాడు స్టాప్ గార్డ్. అనంతరం బాలుడిని బలవంతంగా ఇంటికి పంపించేశాడు. ఇంటికి వెళ్లిన బాలుడు తీవ్ర అస్వస్థతకు గురికావడంతో కుటుంబ సభ్యులు ఆసుపత్రికి తరలించారు. పరీక్షించిన వైద్యులు బాలుడిపై లైంగిక దాడి జరిగినట్లు గుర్తించారు.
ఈ విషయంపై బాలసదన్ నిర్వాహకులకు ఫిర్యాదు చేశారు బాలుడి పేరెంట్స్. వెంటనే అప్రమత్తమైన బాలసదన్ నిర్వాహకులు సదరు స్టాఫ్ గార్డ్పై పోలీసులకు కంప్లైంట్ చేశారు. బాలసదన్ ఫిర్యాదు మేరకు స్టాఫ్ గార్డ్ను పోలీసులు అరెస్ట్ చేశారు. బాలసదన్లోని మరో నలుగురిపై కూడా స్టాప్ గార్డు లైంగిక దాడికి పాల్పడ్డట్టు పోలీసులు గుర్తించారు. బాల సదన్లోని పిల్లలకి వైద్య పరీక్షలు నిర్వహిస్తున్నారు అధికారులు.
