కౌడిపల్లి, వెలుగు: మెదక్ జిల్లా కౌడిపల్లి మండలం మహమ్మద్ నగర్ సొసైటీ పరిధిలోని కౌడిపల్లి పీఏసీఎస్ ధాన్యం కొనుగోలు కేంద్రంలో జరిగిన అవకతవకల విషయంలో బుధవారం కౌడిపల్లి, మహమ్మద్ నగర్ గ్రామాలకు చెందిన 19 మంది రైతులకు నోటీసులు ఇచ్చినట్లు సంబంధిత అధికారి ప్రకాశ్ తెలిపారు.
ఆయా రైతుల పేర్ల మీద ఎంత భూమి ఉంది? వారి అకౌంట్లో ఎంత అమౌంట్ జమ అయ్యింది అనే వివరాలపై ఈనెల 29న మహమ్మద్ నగర్ పీఏసీఎస్ కార్యాలయంలో ఎంక్వైరీ ఆఫీసర్ వచ్చి రైతులతో ముఖాముఖి చర్చిస్తారని తెలిపారు. నోటీసులు ఇచ్చిన రైతులు ఆధార్ కార్డు, పట్టా పాస్ బుక్, బ్యాంక్ అకౌంట్ తీసుకుని సొసైటీకి రావాలని సూచించారు.
