- హిమాచల్‌‌ప్రదేశ్‌‌లో బీజేపీ, కాంగ్రెస్ హోరాహోరీ
- ఢిల్లీ మున్సి‘పోల్స్’లో ఆప్ వైపే జనం మొగ్గు
గుజరాత్లో అసెంబ్లీ ఎన్నికలకు సోమవారం సాయంత్రం పోలింగ్ పూర్తవడంతో ఎగ్జిట్ పోల్స్ సర్వే ఫలితాలు రిలీజ్ అయ్యాయి. మెజార్టీ సంస్థలు మళ్లీ బీజేపీనే అధికారంలోకి వస్తుందని అంచనా వేశాయి. కాంగ్రెస్ రెండో స్థానం, ఆమ్ ఆద్మీ పార్టీ మూడో ప్లేస్కు పరిమితమవుతాయని తెలిపాయి. గుజరాత్లో 182 అసెంబ్లీ స్థానాలు ఉండగా మ్యాజిక్ ఫిగర్ 92. జన్కీ బాత్, రిపబ్లిక్ టీవీ పీ-మార్క్, న్యూస్ ఎక్స్తో పాటు పీపుల్స్ పల్స్ సర్వేలన్నీ బీజేపీకి అనుకూలంగా తీర్పు చెప్పాయి. 100కుపైగా స్థానాల్లో గెలుస్తుందని ప్రకటించాయి. ఇక హిమాచల్‌‌ప్రదేశ్‌‌లో మాత్రం అధికారం కోసం బీజేపీ, కాంగ్రెస్ మధ్య హోరాహోరీ పోరు ఉండే చాన్స్ ఉందని సర్వేలు చెబుతున్నాయి. ఢిల్లీ మున్సిపల్ కార్పొరేషన్ ఎన్నికల్లో మాత్రం ఎగ్జిట్ పోల్స్ సర్వేలన్నీ ఆప్ వైపే మొగ్గు చూపాయి.
గుజరాత్లో మళ్లీ బీజేపీ అధికారంలోకి రాబోతున్నట్టు ఎగ్జిట్ పోల్ సంస్థలు అంచనా వేశాయి. మోడీ సొంత రాష్ట్రం కావడంతో ఎప్పటిలాగే ఆయన సెంటిమెంట్ బీజేపీకి లాభం చేకూర్చింది. వరుస అభివృద్ధి పనులకు ప్రారంభోత్సవాలతో పాటు మోడీ, అమిత్షాలు గ్రౌండ్ లెవల్ నుంచి వ్యూహాలు రచించడంతో గుజరాత్లో బీజేపీ మరింత పట్టు సాధించింది. ఇక హిమాచల్‌‌ప్రదేశ్‌‌లో మాత్రం అధికారం కోసం బీజేపీ, కాంగ్రెస్ మధ్య హోరాహోరీ పోరు ఉండే చాన్స్ ఉందని సర్వేలు చెబుతున్నాయి. రెండోసారి అధికారంలోకి రావాలని బీజేపీ తీవ్ర ప్రయత్నాలు చేస్తుండగా.. అధికారం చేజిక్కించుకోవాలని కాంగ్రెస్ ప్రయత్నిస్తున్నది. పంజాబ్‌‌లో విక్టరీతో స్పీడ్‌ మీదున్న ఆమ్ ఆద్మీ పార్టీ.. అటు గుజరాత్, ఇటు హిమాచల్‌‌లో పెద్దగా ప్రభావం చూపలేకపోయింది. రెండు రాష్ట్రాల్లోనూ సింగిల్ డిజిట్కే పరిమితమయ్యే చాన్స్ ఉన్నట్టు సర్వేలు చెబుతున్నాయి. ఇక ఢిల్లీ మున్సిపల్ కార్పొరేషన్ (ఎంసీడీ) ఎన్నికల్లో మాత్రం ఎగ్జిట్ పోల్స్ సర్వేలన్నీ ఆప్ వైపే మొగ్గు చూపాయి. ఇక్కడ ఆప్ టాప్లో ఉండగా.. రెండు, మూడు స్థానాల్లో బీజేపీ, కాంగ్రెస్ ఉన్నాయి. 7న ఎంసీడీ, 8న గుజరాత్, హిమాచల్ప్రదేశ్ ఎన్నికల ఫలితాలు వెలువడనున్నాయి.
మోడీ ఇలాకాలో ఈసారి సెంచరీ..
అహ్మదాబాద్: గుజరాత్లోని 182 అసెంబ్లీ స్థానాలకు డిసెంబర్‌ 1న, డిసెంబర్‌ 5న రెండు విడతల్లో ఎన్నికలు పూర్తయ్యాయి. సోమవారం సాయంత్రం ఎగ్జిట్ పోల్స్ సర్వే ఫలితాలు రిలీజ్ అయ్యాయి. గుజరాత్లో మళ్లీ బీజేపీనే అధికారంలోకి వస్తుందని అన్ని ప్రముఖ ఎగ్జిట్ పోల్ సంస్థలు ప్రకటించాయి. కాంగ్రెస్ రెండో స్థానంలో ఉండగా, ఆమ్ ఆద్మీ పార్టీ మూడో ప్లేస్కు పరిమితమైనట్టు స్పష్టం అవుతున్నది. 182 స్థానాల్లో మ్యాజిక్ ఫిగర్ 92. బీజేపీయే సొంతంగా ప్రభుత్వాన్ని ఏర్పాటు చేస్తుందని అన్ని సంస్థలు ప్రకటించాయి. 27ఏండ్లుగా గుజరాత్లో బీజేపీ అధికారంలో ఉంది. ఈసారి కూడా మోడీ చరిష్మానే పని చేసింది. జన్కీ బాత్, రిపబ్లిక్ టీవీ పీ–మార్క్, న్యూస్ ఎక్స్, టీవీ–9 గుజరాతీతో పాటు పీపుల్స్ పల్స్ సహా సర్వేలన్నీ బీజేపీకి అనుకూలంగా తీర్పు చెప్పాయి. 100కి పైగా స్థానాల్లో గెలుస్తుందని ప్రకటించాయి. బీజేపీ ఒంటరిగా పోటీ చేయగా.. ప్రధాన ప్రతిపక్ష పార్టీ అయిన కాంగ్రెస్పార్టీ.. ఎన్సీపీతో జతకట్టింది. ఆమ్ ఆద్మీ పార్టీ సింగిల్గా బరిలో దిగింది. 2017 అసెంబ్లీ ఎన్నికలతో పోలిస్తే.. బీజేపీ భారీ ఆధిక్యతను ప్రదర్శించినట్టు తెలుస్తున్నది. పోయిన అసెంబ్లీ ఎన్నికల్లో బీజేపీకి 99 సీట్లు వస్తే.. కాంగ్రెస్ 77 స్థానాల్లో గెలిచింది. ఎన్సీపీ ఒక సీటుతో సరిపెట్టుకోగా.. ఆమ్ ఆద్మీ పార్టీ ఖాతానే తెర్వలేదు. అయితే ఈసారి మాత్రం బీజేపీ సెంచరీ కొడుతుందనే అన్ని ఎగ్జిట్ పోల్ సర్వేలు చెబుతున్నాయి.
