ఎడిన్బర్గ్: స్కాట్లాండ్ ప్రధానమంత్రిగా పాకిస్తాన్ మూలాలున్న 37 ఏళ్ల హంజా యూసఫ్ ఎంపికయ్యారు. ప్రస్తుతం దేశ ప్రధానిగా ఉన్న నికోలా స్టుర గీవాన్ స్థానంలో ఆయన ప్రధానిగా బాధ్యతలు చేపట్టనున్నారు. అధికార స్కాటిష్ నేషనల్ పార్టీ సభ్యులు హంజాను తమ ముఖ్యనేతగా మంగళవారం ఎన్నుకున్నారు. మొత్తం 72, 169 మంది పార్టీ సభ్యుల్లో దాదాపు 52 శాతం మంది హంజాకు ఓటువేశారు. దీంతో ఆయనకు ప్రధాని పదవి దక్కడం ఖాయమైంది. స్కాట్లాండ్ ప్రధాని పదవిని చేపట్టనున్న తొలి ముస్లిం మైనార్టీ వర్గానికి చెందిన నేతగానూ హంజా రికార్డుకెక్కారు. మార్చి 29న ప్రధానమంత్రిగా ఆయన బాధ్యతలు స్వీకరించనున్నారు.
