యువకుడిని అరెస్ట్ చేసిన పోలీసులు
హైదరాబాద్(కూకట్పల్లి), వెలుగు: ఫేస్బుక్లో నకిలీ ఖాతా తెరిచి, సినిమాల్లో అవకాశాలు ఇప్పిస్తానంటూ యువతులను వేధిస్తున్న ఓ యువకుడు చివరకు పోలీసులకు చిక్కి, జైలుపాలయ్యాడు. కూకట్పల్లిలో ఉంటున్న వేణు(21) ఫేస్బుక్లో ఫేక్ ఎకౌంట్ ఓపెన్చేశాడు. దానికి పూరీ ఆకాశ్ ఫొటో పెట్టి, అమ్మాయిలకు ఫ్రెండ్ రిక్వెస్ట్ పెట్టేవాడు. పూరీ ఆకాశేనని నమ్మిన యువతులతో మెసెంజర్లో చాట్చేస్తూ, సినిమాల్లో అవకాశాలు ఇప్పిస్తానని మభ్యపెట్టేవాడు.
మెసెంజర్లో అసభ్యకరమైన మెసేజ్లు పంపిస్తూ వేధింపులకు గురిచేసేవాడు. వేణు బారిన పడిన ఓ యువతి పోలీసులను ఆశ్రయించడంతో విషయం వెలుగులోకి వచ్చింది. బాధితురాలి కంప్లైంట్తో పోలీసులు వేణును బుధవారం అదుపులోకి తీసుకున్నారు. వేణు గదిలో నుంచి హార్డ్ డిస్క్, పెన్ డ్రైవ్ను స్వాధీనం చేసుకున్నారు.