హైదరాబాద్‌, వెలుగు : రాష్ట్రంలోని పలు జిల్లాల్లో రానున్న నాలుగు రోజులు.. ఉరుములు, మెరుపులతో భారీ వర్షాలు కురిసే ఛాన్స్‌ ఉందని హైదరాబాద్‌ వాతావరణ కేంద్రం తెలిపింది. ఆదివారం ఆదిలాబాద్‌, ఆసిఫాబాద్‌, మంచిర్యాల, నిర్మల్‌, నిజామాబాద్, జగిత్యాల, సిరిసిల్ల, కరీంనగర్‌, పెద్దపల్లి, భూపాలపల్లి, ములుగు, నల్గొండ, సూర్యాపేట, మహబూబాబాద్‌, యాదాద్రి, మల్కాజిగిరి, మహబూబ్‌‌నగర్‌, నాగర్‌ కర్నూల్‌, వనపర్తి, నారాయణపేట, గద్వాల జిల్లాలో భారీ వర్షాలు పడతాయని అంచనా వేసింది. శనివారం రాష్ట్రంలోని కొన్ని జిల్లాల్లో మోస్తరు వర్షాలు కురిశాయి. నిజామాబాద్లోని జక్రాన్‌‌పల్లిలో 7, మదనపల్లెలో 5.5, గద్వాలలోని ధరూర్లో 5, నల్గొండలోని కనగల్‌‌లో 4, సంగారెడ్డిలోని రాయికోడ్‌‌లో 3.9 సెంటీమీటర్ల చొప్పున వర్షపాతం రికార్డయ్యింది.
