న్యూఢిల్లీ: టూవీలర్ కంపెనీ హీరో మోటోకార్ప్ ఫిలిప్పీన్స్ మార్కెట్లోకి రావడానికి టెర్రాఫిర్మా మోటార్స్ కార్పొరేషన్తో ఒప్పందం కుదుర్చుకుంది. బండ్ల అసెంబ్లింగ్, డిస్ట్రిబ్యూషన్ కోసం ఈ ఒప్పందం ఉపయోగపడుతుంది. కొలంబియన్ గ్రూప్కు చెందిన టెర్రాఫిర్మా ఇక నుంచి హీరో మోటోకార్ప్ డిస్ట్రిబ్యూటర్గా పనిచేస్తుంది. అసెంబ్లింగ్కోసం లగునా సిటీలో 29 వేల చదరపు మీటర్ల విస్తీర్ణంలో ప్లాంటును నిర్మిస్తుంది.
ఇది 2024 జూన్ తరువాత నుంచి పనిచేస్తుంది. ప్రస్తుతం హీరో మోటోకార్ప్ ఆసియా, ఆఫ్రికా, మిడిల్ఈస్ట్ దక్షిణ, మధ్య అమెరికాలోని 43 దేశాల్లో టూవీలర్లను అమ్ముతోంది. దీనికి భారతదేశంలో ఆరు, కొలంబియా, బంగ్లాదేశ్‌‌‌‌‌‌‌‌‌‌‌‌‌‌‌‌‌‌‌‌‌‌లలో ఒక్కొక్కటి సహా మొత్తం ఎనిమిది ప్లాంట్లు ఉన్నాయి.
