- కండీషన్స్ అగ్రీ చేయగానే ఆయనకు చేరిన డేటా
- వ్యూయర్ షిప్ ఆధారంగా బెట్టింగ్ యాప్స్ ప్రమోషన్స్
- కరేబియన్ దీవుల్లో టీమ్.. నెదర్లాండ్స్ లో సర్వర్లు
- రవి ఫ్రెండ్ నిఖిల్ ఐ బొమ్మ లోగో తయారు చేశారు
- అమెరికన్ డాలర్లలో బెట్టింగ్ యాప్స్ నుంచి డబ్బు
- 20 కోట్ల రూపాయలు సంపాదించినట్టు సమాచారం
- రూ. 3 కోట్లు సీజ్ చేశాం: ఏసీపీ శ్రీనివాసులు వెల్లడి
హైదరాబాద్: ఐబొమ్మలో సినిమాలు చూసిన వారందరి డేటా ఇమ్మడి రవి వద్ద ఉందని ఏసీపీ శ్రీనివాసులు తెలిపారు. ఐదు రోజుల కస్టడీలో ఆయన నుంచి పలు కీలక విషయాలు రాబట్టినట్టు చెప్పారు. ఐబొమ్మ వెబ్ సైట్ కు వెళ్లగానే కండీషయన్ అగ్రీ చేయాలనే ఆప్షన్ ఉంటుందని, దానికి టిక్ చేయగానే మన ఫోన్ లో ఉన్న మొత్తం సమాచారం ఆయనకు వెళ్లిపోతుందని అన్నారు.
అందులో వ్యూయర్ షిప్ ను చూపించి బెట్టింగ్ యాప్స్ ప్రమోషన్లు చేశాడని తెలిపారు. ఇవాళ ఏసీవీ శ్రీనివాసులు మీడియాతో మాట్లాడారు. ఐబొమ్మలో ఏదైనా సినిమా చూసేందుక ప్రయత్నిస్తే ముందుగా బెట్టింగ్ యాప్స్ ప్రమోషన్ వస్తుందని వివరించారు. టెలిగ్రామ్ యాప్ ద్వారా సినిమాలు కొనుగోలు చేసుకొనే వాడని వివరించారు. రవిని ఆయన భార్య పట్టించిందనడంలో నిజం లేదని ఏసీపీ చెప్పారు.
