యాదగిరిగుట్ట శ్రీ లక్ష్మీనరసింహస్వామి ఆలయానికి భక్తులు క్యూ కట్టారు. శనివారం సెలవుదినం కావడంతో స్వామివారి దర్శనానికి భక్తుల తాకిడి పెరిగింది. తెల్లవారుజాము నుంచే ఆలయానికి తరలివస్తున్నారు భక్తులు. దీంతో క్యూ లైన్ లో బారులు తీరారు.
రద్దీ కారణంగా ఉచిత ధర్మదర్శనానికి 3 గంటల సమయం పడుతుండగా.. ప్రత్యేక ప్రవేశ 150 రూపాయల దర్శనానికి 2 గంటల సమయం పడుతుంది. పలు ప్రాంతాల నుంచి వచ్చిన భక్తులతో కొండ కింద లక్ష్మీపుష్కరిణి, కల్యాణకట్ట, పార్కింగ్ ప్రదేశం..కొండపైన బస్ బే, దర్శన, ప్రసాద క్యూలైన్లు, ప్రధానాలయ ప్రాంగణం కిటకిటలాడుతున్నాయి. ఈ క్రమంలో భక్తులకు ఎలాంటి ఇబ్బందులు లేకుండా అన్ని ఏర్పాటు చేసినట్లు ఆలయ ఈవో భాస్కరరావు తెలిపారు.
