రెండో టెస్టుకి ముందే భారత జట్టులో పెద్ద రచ్చ.. కుల్దీప్‌ను పక్కన పెడతారా? హెడ్‌కోచ్, బీసీసీఐపై పుజారా ఫైర్!

Team India Playing XI: శ్రీలంకతో జరగబోయే రెండో టెస్టు మ్యాచ్‌కి ముందు భారత జట్టు ప్లేయింగ్ ఎలెవన్ పై తీవ్ర వివాదం చెలరేగుతోంది. మొదటి టెస్టులో ఘన విజయం సాధించి జోరుమీదున్న టీమిండియా, రెండో మ్యాచ్‌లో ఊహించని మార్పులు చేసేందుకు సిద్ధమవుతున్నట్లు క్రికెట్ వర్గాల్లో ప్రచారం జరుగుతోంది. స్టార్ స్పిన్నర్ కుల్దీప్ యాదవ్‌ను పక్కనబెట్టి, అరంగేట్ర ప్లేయర్ సారాంశ్‌ జైన్‌ను తుది జట్టులోకి తీసుకుంటారనే వార్తలపై ఇండియన్ మాజీ క్రికెటర్ ఛటేశ్వర్ పుజారా తీవ్ర అసంతృప్తి వ్యక్తం చేశాడు. 

కుల్దీప్‌ను తీసేస్తే తట్టుకోలేను: 

కుల్దీప్‌ను జట్టు నుంచి తొలగించే అంశంపై మాట్లాడిన పుజారా, టీమిండియా యాజమాన్యం ఆలోచనపై షాకింగ్ కామెంట్స్ చేశాడు. శ్రీలంక జట్టులో ఎక్కువ మంది లెఫ్ట్ హ్యాండ్ బ్యాటర్లు ఉన్నందున, వారిని కట్టడి చేసేందుకు కుల్దీప్ స్థానంలో ఆఫ్ స్పిన్నర్ సారాంశ్‌ జైన్‌ను డెబ్యూ చేయిస్తారని టాక్ నడుస్తోంది. కానీ గెలిచే కాంబినేషన్‌ను మార్చడం అస్సలు సరైన నిర్ణయం కాదని, ఒకవేళ కుల్దీప్ వంటి క్వాలిటీ బౌలర్‌ను డ్రాప్ చేస్తే తాను తీవ్రంగా నిరాశ చెందుతానని పుజారా పేర్కొన్నాడు. 

తొలి టెస్టులో ఒక్క వికెటే.. అందుకే ఈ స్కెచ్: 

మొదటి టెస్టులో రవీంద్ర జడేజా, మానవ్ సుతార్‌లు సుదీర్ఘ స్పెల్స్ వేసి రాణించగా, కుల్దీప్ యాదవ్ కేవలం 25 ఓవర్లు మాత్రమే బౌలింగ్ చేసి ఒకే ఒక్క వికెట్ తీసుకున్నాడు. దీంతో అతని స్థానంపై ప్రశ్నలు మొదలయ్యాయి. కానీ కుల్దీప్ యాదవ్ మ్యాచ్ విన్నర్ అని, ఒకటిరెండు మ్యాచుల ప్రదర్శనను బట్టి అతని సామర్థ్యాన్ని శంకించకూడదని పుజారా స్పష్టం చేశాడు. ఒకవేళ రెండో టెస్టులో విఫలమైనా సరే అతనికి టీమ్ మేనేజ్‌మెంట్ పూర్తి సపోర్టుగా నిలవాలని డిమాండ్ చేశాడు.

ALSO READ : మైదానంలో మెస్సీకి షాక్: ప్రత్యర్థి ప్లేయర్‌ని కొట్టిన సాకర్ లెజెండ్..

ఆస్ట్రేలియా సిరీస్‌కి కుల్దీపే మెయిన్ వెపన్: 

ముందు ముందు రాబోయే ఆస్ట్రేలియా సిరీస్‌ను దృష్టిలో పెట్టుకుని కుల్దీప్‌ను ఫామ్ లోకి వచ్చేలా చేయాలని పుజారా సూచించాడు. న్యూజిలాండ్ పిచ్‌లపై కుల్దీప్‌కు ప్లేయింగ్ ఎలెవన్‌లో అవకాశం దక్కకపోవచ్చు.. కానీ ఆస్ట్రేలియాతో జరిగే సిరీస్‌లో అతనే భారత జట్టుకు అత్యంత కీలకమైన బౌలర్ (Key Bowler) అవుతాడు అని ధీమా వ్యక్తం చేశాడు. కాబట్టి మ్యాచ్ మ్యాచ్‌కీ అనవసరంగా మార్పులు చేసి ప్లేయర్ కాన్ఫిడెన్స్‌ను దెబ్బతీయకూడదని పుజారా క్లారిటీ ఇచ్చాడు. మరి పుజారా వ్యాఖ్యల తర్వాత టీమ్ మేనేజ్‌మెంట్ కుల్దీప్‌కే ఓటేస్తుందో లేక సారాంశ్‌ జైన్‌కి అవకాశం ఇస్తుందో చూడాలి.