సైదాపూర్, వెలుగు : తెలంగాణలో రానున్నది ప్రభుత్వం కాంగ్రెస్ ప్రభుత్వమే అని హుస్నాబాద్ కాంగ్రెస్ అభ్యర్థి పొన్నం ప్రభాకర్ అన్నారు. గురువారం ఆయన సైదాపూర్ మండల కేంద్రంతో పాటు ఆకునూరు, రాయికల్, బొమ్మకల్ గ్రామాల్లో పర్యటించారు. ఈ సందర్భంగా ఆయన మాట్లాడుతూ రెండుసార్లు హుస్నాబాద్లో గెలిచిన ఎమ్మెల్యే అధికార పార్టీ అయినప్పటికీ అభివృద్ధి చేయాలేదని విమర్శించారు.
సబ్బండ వర్గాలు పోరాడితే వచ్చిన తెలంగాణలో కేవలం ఒక్క కుటుంబం భోగాలు అనుభవిస్తోందన్నారు. ఈసారి హుస్నాబాద్ నుంచి కాంగ్రెస్ ను గెలిపిస్తే అభివృద్ధి చేసి చూపిస్తానని ఆయన హామీ ఇచ్చారు. ఆయనవెంట పార్టీ మండల అధ్యక్షుడు దొంత సుధాకర్, సీనియర్ నాయకులు గుండారపు శ్రీనివాస్, ఊసకోయిల రాఘవులు ఉన్నారు.
ALSO READ : మాజీ ఎంపీ వివేక్ చేరికతో కాంగ్రెస్ కు బలం : బొంతల రాజేశ్, తిప్పారపు శ్రీనివాస్
