ఎలివేటెడ్ కారిడార్ ఒక్కటే !.. రెండు ప్యాకేజీలుగా నిర్మాణం ..రూ.1090 కోట్ల ఖర్చు 

• అండర్​పాస్​లు, స్టీల్​బ్రిడ్జిల 
• రద్దుతో రూ.1200 కోట్లు ఆదా  
• జీహెచ్​ఎంసీ కమిషనర్​ఆర్వీ కర్ణన్​

హైదరాబాద్ సిటీ, వెలుగు : కేబీఆర్​పార్కు చుట్టూ ఏర్పాటు చేసిన వన్​ వే విధానంతో ట్రాఫిక్​సమస్య చాలా వరకు పరిష్కారమైందని, అందుకే ఇంతకుముందు నిర్మించాలనుకున్న స్టీల్​బిడ్జి, అండర్​పాస్​లను రద్దు చేశామని కమిషనర్​ఆర్వీ కర్ణన్​చెప్పారు. అయితే, ఎన్‌‌ఎఫ్‌‌సీఎల్‌‌ జంక్షన్‌‌ నుంచి కేబీఆర్‌‌ పార్క్‌‌ ఎంట్రెన్స్ వరకు భారీగా ట్రాఫిక్‌‌ రద్దీ కొనసాగుతున్న నేపథ్యంలో ఎలివేటెడ్‌‌ కారిడార్‌‌తో ఈ సమస్యకు పరిష్కారం చూపాలని నిర్ణయించామన్నారు. ఇందులో భాగంగా సోమవారం ఆయన  ఖైరతాబాద్‌‌ జోనల్‌‌ కమిషనర్‌‌ బి సంతోష్‌‌, ఇంజినీరింగ్ అధికారులు హరీశ్, విజయ్ కుమార్ రెడ్డితో కలిసి ప్రతిపాదిత కారిడార్‌‌ ప్రాంతాన్ని పరిశీలించారు. 

రెండు ప్యాకేజీలుగా...

జూబ్లీహిల్స్‌‌ చెక్‌‌పోస్ట్​నుంచి ఎన్‌‌ఎఫ్‌‌సీఎల్‌‌ జంక్షన్‌‌ వరకు 4.3 కిలోమీటర్ల పొడవున ఆరు లేన్ల ఎలివేటెడ్‌‌ కారిడార్‌‌ నిర్మించనున్నామని, దీనికి అంచనా వ్యయం రూ.1,090 కోట్లు అవుతుందన్నారు. ఈ ప్రాజెక్టును రెండు ప్యాకేజీలుగా చేపట్టనున్నట్టు ప్రకటించారు.

మొదటి ప్యాకేజీలో చెక్‌‌పోస్ట్​జంక్షన్‌‌ నుంచి ముగ్ధా జంక్షన్‌‌ వరకు స్టీల్‌‌ ఫ్లైఓవర్‌‌ ఉంటుందని, దీనికి రూ.580 కోట్లు కేటాయించామన్నారు. రెండో ప్యాకేజీలో ముగ్ధా జంక్షన్‌‌ నుంచి ముఫఖం జా కాలేజీ వరకు ఫ్లైఓవర్‌‌తో పాటు బంజారాహిల్స్‌‌ రోడ్‌‌ నంబర్‌‌-1కు అనుసంధానం కోసం ర్యాంప్‌‌ నిర్మించనున్నారు. ఈ ప్యాకేజీకి రూ.510 కోట్లు ఖర్చు చేయనున్నట్టు చెప్పారు. కొత్త  అలైన్‌‌మెంట్‌‌ వల్ల భూసేకరణ, నిర్మాణ వ్యయాల్లో రూ.1,200 కోట్ల వరకు ఆదా కానున్నదన్నారు.