హైదరాబాద్ లో భారీ డ్రగ్స్ దందా వెలుగులోకి వచ్చింది. ప్రేమ, సహజీవనం పేరుతో అమ్మాయిలకు వల వేసి డ్రగ్స్ దండలోకి దింపుతున్న వ్యక్తిని పట్టుకున్నారు నార్కోటిక్ ఎన్ఫోర్స్మెంట్ అధికారులు. పక్కా సమాచారంతో ఆకస్మిక దాడులు నిర్వహించిన అధికారులు ఆదివారం ( డిసెంబర్ 21 ) నిందితుడిని అదుపులోకి తీసుకున్నారు. ఇందుకు సంబంధించి వివరాలిలా ఉన్నాయి.. ప్రేమ, సహజీవనం పేరుతో అమ్మాయిలను వలలో వేసుకొని.. వారినే ఏజెంట్లుగా నియమించి డ్రగ్స్ దందా చేస్తున్నాడు నిందితుడు.
కొంపల్లిలో నర్స్ గా పనిచేస్తున్న యువతని ట్రాప్ చేసిన నిందితుడు ఆమె ఇంట్లోనే మత్తుప్రదార్థాలు ఉంచి సరఫరా చేస్తున్నట్లు గుర్తించారు పోలీసులు.డ్రగ్స్ అమ్మకాలకు కోడ్ భాష ఉపయోగిస్తున్నట్లు గుర్తించామని.. నిందితుడు స్టూడెంట్ వీసా పై ఇండియాకు వచ్చినట్లు గుర్తించామని తెలిపారు పోలీసులు. డ్రగ్స్ దందా కోసం హైదరాబాద్,బెంగళూరు, గోవాలో ఐదు ఇళ్ళను అద్దెకు తీసుకున్నట్టు గుర్తించారు పోలీసులు.
నిందితుడు నాలుగేళ్లుగా పోలీసుల కంట పడకుండా డ్రగ్స్ విక్రయం చేస్తున్నాడని.. ఉచితంగా డ్రగ్స్ ఇస్తూ ప్రేమ, సహాజీవనం పేరుతో యువతులకు వల వేస్తున్నట్లు తెలిపారు పోలీసులు. నిందితుడిని అదుపులోకి తీసుకున్న పోలీసులు కేసు నమోదు చేసి దర్యాప్తు చేస్తున్నారు.
