న్యూఢిల్లీ: కార్గిల్ ఎయిర్స్ట్రిప్పైన ఐఎఫ్సీ 130జే విమానాన్ని విజయంతంగా ల్యాండ్ చేసినట్టు ఇండియన్ ఎయిర్ఫోర్స్(ఐఏఎఫ్) ఆదివారం ఉదయం ప్రకటించింది. అత్యంత కఠినమైన కార్గిల్ పర్వతాల్లోని ఎయిర్స్ట్రిప్పై ఎయిర్క్రాఫ్ట్ ల్యాండింగ్ ఇదే ఫస్ట్ టైమ్ అని తెలిపింది. దీనికి సంబంధించిన వీడియోను కూడా ఐఏఎఫ్ ట్వీట్ చేసింది. గరుడ్ కమాండోల ట్రైనింగ్లో భాగంగా ఈ విన్యాసం చేసినట్టు ప్రకటించింది. టెర్రైన్ మాస్కింగ్ను కూడా ఉపయోగించినట్టు వెల్లడించింది. కార్గిల్ ఎయిర్ స్ట్రిప్ హిమాలయాల్లో 8 వేల అడుగుల ఎత్తులో ఉంటుంది. రాత్రిపూట ల్యాండింగ్ చేయడం బాగా అనుభవజ్ఞులైన పైలెట్లకు మాత్రమే సాధ్యమని ఐఏఎఫ్ తెలిపింది. ప్రతికూల వాతావరణంలోనూ ఎయిర్క్రాఫ్ట్ను సేఫ్గా ల్యాండ్ చేసేలా పైలెట్లకు ట్రైనింగ్ ఇచ్చినట్టు పేర్కొంది. ఆర్మీ బలగాలు, యుద్ధ సామగ్రి తరలింపులో ఐఎఫ్సీ 130జే ఎయిర్క్రాఫ్ట్లది కీలకపాత్ర.
