రైల్లో లాంగ్ జర్నీ చేయాల్సివస్తే.. ఇంటి నుంచి క్యారేజ్ తెచ్చుకుంటారు చాలామంది. బాక్స్ లేకుంటే ఇంతకుముందు ఐఆర్సిటీసి వెబ్సైట్లో ఆర్డర్ చేసేవాళ్లు. కానీ ఇప్పుడు వాట్సాప్లో ఆర్డర్ పెడితే చాలు కూర్చున్న దగ్గరికే క్వాలిటీ ఫుడ్ తెచ్చిస్తారు. ప్యాసింజర్లకు క్వాలిటీ ఫుడ్ని తక్కువ టైంలోనే అందించాలని ఐఆర్సిటీసి ఫుడ్ డెలివరీ యాప్ జూప్, జియోహాప్టిక్తో చేతులు కలిపింది. జర్నీ చేస్తూనే జూప్ వాట్సాప్ చాట్బోట్ నెంబర్ 7042062070కి కావాల్సిన ఫుడ్తో పాటు. పది అంకెల పిఎన్ఆర్ (ప్యాసింజర్ నేమ్ రికార్డ్) నెంబర్ పంపించాలి. దాంతో ఫుడ్ని సీటు దగ్గరికే తెచ్చిస్తారు ఐఆర్సిటీసి స్టాఫ్. అంతేకాదు రియల్ టైమ్ మీల్ ట్రాకింగ్ సర్వీస్ సాయంతో ఫుడ్ పార్శిల్ ఎంతవరకు వచ్చిందో తెలుసుకోవచ్చు కూడా.
ట్విట్టర్లో పాడ్కాస్ట్
ఈమధ్యే ఆడియో చాట్ రూమ్, స్పేస్ ట్యాబ్ ఫీచర్ తెచ్చింది ట్విట్టర్. ఇప్పుడు టెస్ట్ వెర్షన్గా పాడ్కాస్ట్లని తీసుకొస్తోంది. దీంతో యూజర్లకు ‘స్టేషన్స్’ పేరుతో పర్సనల్ హబ్స్ని అందుబాటులోకి తెస్తోంది. ప్రపంచవ్యాప్తంగా పాపులర్ అయిన పాడ్కాస్ట్లు ఇందులో ఉంటాయి. వీటిలో న్యూస్, మ్యూజిక్, స్పోర్ట్స్తో పాటు అనేక అంశాలు ఉంటాయి. పాడ్కాస్ట్లో ఏం వినాలనేది థీమ్స్, ఫాలో అయ్యేవాళ్లను బట్టి కనిపిస్తుంది. దాంతో వాటిలో నచ్చిన షోస్ వినొచ్చు. పాడ్కాస్ట్ కింద థంబ్స్ అప్ లేదా థంబ్స్ డౌన్ సింబల్ పోస్ట్ చేయాలి. దాంతో అందులోని కంటెంట్ ఆసక్తిగా ఉందా? లేదా? అనే విషయం ట్విట్టర్కి తెలుస్తుంది.
ఇంటర్నెట్ లేకున్నా...
ఇకనుంచి ఇంటర్నెట్ లేకున్నా ఐ ఫోన్ యూజర్లు వాయిస్ అసిస్టెంట్ ‘సిరి’ ని వాడొచ్చు. అందుకోసం... ఐఫోన్ లేదా ఐపాడ్ సెట్టింగ్స్లో ‘సిరి’ ఆప్షన్ని సెలక్ట్ చేసుకోవాలి. తర్వాత లాంగ్వేజ్లో ఇంగ్లీష్ సెలక్ట్ చేయాలి. తర్వాత వెనక్కి వెళ్లి 'హే సిరి’ పక్కన ఉన్న టాగిల్ బార్ని కుడిపైపు జరపాలి. సిరి రెస్పాన్సివ్ మీద క్లిక్ చేసి, టాగిల్ బార్ని వెనకాల పెట్టాలి. అంతేకాదు సిరి క్యాప్లన్స్, స్పీచ్ ఎప్పుడూ ఆన్లో ఉండేలా చేయాలి. ఈ సెట్టింగ్స్ చేస్తే ఇంటర్నెట్ లేనప్పుడు కూడా ‘సిరి’ పనిచేస్తుంది. అయితే ఐఒఎస్ 15 ఉన్న ఫోన్లు, ట్యాబ్స్లోనే ఈ ఫీచర్ పనిచేస్తుంది.
వాట్సాప్లో అన్డు
ఒక్కోసారి ముఖ్యమైన మెసేజ్లని పొరపాటున డిలిట్ చేస్తుంటాం. దాంతో వాటిని మళ్లీ చూడడం కుదరదు. కొన్నిసార్లు గ్రూప్లోని మెసేజ్లని ‘డిలిట్ ఫర్ మి’ బదులు ‘డిలిట్ ఫర్ ఆల్’ ఆప్షన్ ఎంచుకుంటాం. దాంతో మెసేజ్ పోతుంది. ఇకపై అలాంటి సమస్య లేకుండా మెసేజ్ డిలిట్ అన్డు ఫీచర్ తెస్తోంది వాట్సాప్. అంటే డిలిట్ చేసిన మెసేజ్ని రికవరీ చేయొచ్చు. ఐఒఎస్ బీటా అప్డేట్ ఉన్న వాట్సాప్లో ఈ ఫీచర్ పనిచేస్తుంది.
