ప్రపంచ వ్యాప్తంగా మహమ్మారి కరోనా విజృంభిస్తుంది. ఇప్పటి వరకు 11,17,860 కరోనా కేసులు నమోదయ్యాయి. 59203 మంది చనిపోయారు. ఒక్క అమెరికాలోనే 277475 కేసులు నమోదవగా 7402 మంది చనిపోయారు. నిన్న(శుక్రవారం) ఒక్కరోజే అమెరికాలో 1480 కరోనా కేసులు నమోదయ్యాయి. వైరస్ బాధితుల సంఖ్య రోజు రోజుకు వేలల్లో పెరుగుతుండటంతో అమెరికా అధ్యక్షడు ట్రంప్ కూడా హెచ్చరించారు. వైరస్ ఒకరి నుంచి మరొకరికి వ్యాప్తి చెందుతుండటంతో అందరు మాస్క్ లు వేసుకోవాలని ట్రంప్ సూచించారు. మెడికల్ మాస్క్ లే కాకుండా,మామూలు మాస్క్ లు, ఇంట్లో తయారు చేసిన మాస్కులు కూడా వేసుకోవచ్చన్నారు. ఇదే విషయాన్ని సెంటర్ ఫర్ డిసీజ్ కంట్రోలో(సీసీడీ) చెప్పిందన్నారు.మాస్క్ లు అందరూ స్వచ్ఛందంగా వేసుకోవాలన్నారు. అయితే తాను మాత్రం మాస్క్ వేసుకోనన్నారు ట్రంప్. ఒకరినొకరు సామాజిక దూరం పాటించాలన్నారు.
