సిటీలో సోమవారం రాత్రి నుంచి మంగళవారం రాత్రి వరకు ముసురు వాన పడింది. అధికారులు అందుబాటులో ఉండాలని మేయర్ గద్వాల్ విజయలక్ష్మి ఆదేశాలు జారీ చేశారు. ఎమర్జెన్సీ అయితే 040-21111111 హెల్ప్ లైన్ నంబర్కు కాల్ చేయాలన్నారు. మంగళవారం రాత్రి 11 గంటల వరకు లంగర్ హౌస్, మియాపూర్లో 2.0 సెం,మీ, శాస్త్రిపురం, షేక్పేట, బండ్లగూడ జాగీర్, రాజేంద్రనగర్లో 1.7 సెం.మీ వర్షపాతం నమోదైంది.
సిటీలో బుధవారం భారీ వర్షం పడే చాన్స్ ఉందని హైదరాబాద్ వాతావరణ శాఖ తెలిపింది. సిటీకి ఎల్లో అలర్ట్(6.4 నుంచి 11.5 సెం.మీల వాన పడే అవకాశం)ను జారీ చేసింది. – వెలుగు, హైదరాబాద్
