టీ 20 వరల్డ్ కప్ లో భాగంగా రెండో మ్యాచ్ లో నమీబియాతో తలపడుతోంది టీం ఇండియా. ఢిల్లీలోని అరుణ్ జైట్లీ స్టేడియం వేదికగా జరుగుతున్న ఈ మ్యాచ్ లో టాప్ ఆర్డర్ తడబడింది. ఒక్క ఇషాన్ కిషన్ హాఫ్ సెంచరీ మినహా బ్యాటర్లెవరూ రాణించలేకపోయారు. ఓపెనింగ్ బ్యాట్స్ మెన్ గా బరిలో దిగిన ఇషాన్ 24 బంతుల్లో 61 పరుగులు చేసి రెండో వికెట్ గా వెనుదిరిగాడు. ఆ తర్వాత వచ్చిన బ్యాట్స్ మెన్ ఎవరూ ఎక్కువసేపు క్రీజ్ లో నిలబడలేకపోయారు. 5వ వికెట్ గా బరిలో దిగిన హార్దిక్ పాండ్య 27 బంతుల్లో 4 ఫోర్లు, 4 సిక్సర్లు బాది 52 రన్స్ సాధించాడు.
హార్దిక్ హాఫ్ సెంచరీ చేయడంతో టీం ఇండియా స్కోర్ 200 దాటింది.ఎరాస్మస్ బౌలింగ్ లో క్యాచ్ అవుట్ గా వెనుదిరిగాడు హార్దిక్ పాండ్య. ప్రస్తుతం 18.2 ఓవర్లకు గాను 5 వికెట్లు కోల్పోయి 205 పరుగులు చేసింది టీం ఇండియా. మరి, పసికూన ముందు భారీ టార్గెట్ ఉంచిన టీం ఇండియా బౌలింగ్ తో ఆకట్టుకొని విజయ పరంపర కొనసాగిస్తుందో లేదో చూడాలి.
