IND vs AFG Test: భారత బ్యాటర్లు కొట్టిన 564 పరుగుల స్కోరును చేజ్ చేసేందుకు ఇన్నింగ్స్ స్టార్ట్ చేసిన ఆఫ్ఘనిస్తాన్ జట్టుకు.. సెకండ్ డే లాస్ట్ సెషన్లో ఇండియన్ బౌలర్లు గట్టి షాక్ ఇచ్చారు. ముఖ్యంగా డెబ్యూ ప్లేయర్ మానవ్ సుతార్ ఏకంగా కీలకమైన 3 వికెట్లు పడగొట్టగా, పేసర్ ప్రసిద్ధ్ కృష్ణ తమ బౌలింగ్తో ఆఫ్ఘన్ టాప్ ఆర్డర్ను దెబ్బకొట్టారు. రెండో రోజు ఆట ముగిసే సమయానికి ఆఫ్ఘనిస్తాన్ 39.5 ఓవర్లలో 5 వికెట్లు కోల్పోయి 139 రన్స్ చేసింది.
ప్రసిద్ధ్ కృష్ణ, మానవ్ సుతార్ ధమాకా:
తొలి ఇన్నింగ్స్ ఆడుతున్న ఆఫ్ఘనిస్థాన్ బ్యాటర్లను భారత పేసర్లు అస్సలు కుదురుకోనివ్వలేదు.. ప్రసిద్ధ్ కృష్ణ, మానవ్ సుతార్ సైతం అద్భుతంగా బౌలింగ్ చేసి కీలకమైన రెండు వికెట్లని పడగొట్టడంతో, ఆఫ్ఘన్ ప్రెషర్లో పడిపోయింది. ప్రస్తుతం క్రీజులో అఫ్సర్ జాజాయ్ (3), రహ్మత్ షా(43) మరో వికెట్ పడకుండా స్కోర్ బోర్డుని ముందుకు నడిపించారు.
451 రన్స్ వెనుకబడిన ఆఫ్ఘన్:
ఇండియా చేసిన స్కోరుకు ఆఫ్ఘనిస్తాన్ ఇంకా ఏకంగా 451 పరుగుల భారీ తేడాతో వెనుకబడి ఉంది. పిచ్పై భారత బౌలర్ల గ్రిప్ చూస్తుంటే.. రేపు మూడో రోజు ఆఫ్ఘన్ జట్టుకి ఇంకా గండం పొంచి ఉన్నట్టే కనిపిస్తోంది. అంతకుముందు టాస్ గెలిచి బ్యాటింగ్ చేసిన టీమిండియా.. కెప్టెన్ శుభ్మన్ గిల్ 126 పరుగులు చేయగా, కేఎల్ రాహుల్ 100 రన్స్ టీమ్లో టాప్ స్కోరర్గా నిలవగా, వికెట్ కీపర్ బ్యాటర్ రిషభ్ పంత్ (81), సాయి సుదర్శన్ (81), వాషింగ్టన్ సుందర్ (52) హాఫ్ సెంచరీలతో చెలరేగడంతో.. ఇండియన్ టీమ్ తమ ఫస్ట్ ఇన్నింగ్స్లో 8 వికెట్ల నష్టానికి 564 పరుగుల వద్ద ఇన్నింగ్స్ను డిక్లేర్ చేసింది.
సలీమ్ సఫీ ఒంటరి పోరాటం:
ఆఫ్ఘనిస్థాన్ బౌలర్లలో సలీమ్ సఫీ ఒక్కడే 6 వికెట్లు పడగొట్టి టీమిండియాకు కాస్త బ్రేకులు వేశాడు. మిగతా బౌలర్లలో జియావుర్ రెహమాన్, హష్మతుల్లా షాహిదిలకు తలో వికెట్ దక్కింది. ఇక మరోవైపు, భారత బౌలర్లలో మానవ్ సుతార్ మూడు వికెట్లు తీసుకోగా, ప్రసిద్ధ్ కృష్ణ రెండు వికెట్లు పడగొట్టాడు.
Stumps on Day 2️⃣
— BCCI (@BCCI) June 7, 2026
A fantastic bowling effort led by debutant Manav Suthar's 3️⃣ wickets 👏
We will begin Day 3 with #TeamIndia ahead by 451 runs 💪
Scorecard ▶️ https://t.co/Au50EfVM30#INDvAFG | @IDFCFIRSTBank pic.twitter.com/BOIhdoFz8W
Bringing the pace and fire 💥
— BCCI (@BCCI) June 7, 2026
🎥 Prasidh Krishna makes it count with 2⃣ crucial strikes ☝️☝️
Updates ▶️ https://t.co/Au50EfVM30#TeamIndia | #INDvAFG | @IDFCFIRSTBank | @prasidh43 pic.twitter.com/Sf7pht6aYT
