ఆసియా గేమ్స్ 2026 మహిళల క్రికెట్ విభాగంలో హై-వోల్టేజ్ సెమీఫైనల్ సమరం షురూ అయింది. రెండో సెమీఫైనల్లో బంగ్లాదేశ్ మహిళల జట్టుతో తలపడుతున్న భారత మహిళల జట్టు టాస్ గెలిచి బ్యాటింగ్ తీసుకుంది. ఈ మ్యాచ్లో గెలిచిన జట్టు నేరుగా ఫైనల్కు చేరి కనీసం రజత పతకం (Silver Medal) ఖాయం చేసుకునే అవకాశం ఉండటంతో హర్మన్ప్రీత్ సేన పట్టుదలతో బరిలోకి దిగుతోంది.
ఫైనల్ బెర్తే లక్ష్యంగా హర్మన్ సేన:
టాస్ గెలిచిన భారత కెప్టెన్ హర్మన్ప్రీత్ కౌర్ ఏమాత్రం ఆలోచించకుండా ఫస్ట్ బ్యాటింగ్ తీసుకుంది. పిచ్ పరిస్థితులను అనుకూలంగా మలచుకుని బోర్డుపై భారీ స్కోరు ఉంచడం వలన ప్రత్యర్థి బంగ్లాదేశ్పై ఒత్తిడి పెంచడమే టీమిండియా వ్యూహంగా కనిపిస్తోంది. ఓపెనర్లు స్మృతి మంధాన, షెఫాలీ వర్మల దూకుడుతో పవర్ప్లేలోనే భారీ పరుగులు రాబట్టాలని భారత జట్టు ప్రణాళికలు వేసింది.
ఇరు జట్ల ప్లేయింగ్ ఎలెవెన్ ఇవే:
భారత మహిళల జట్టు: స్మృతి మంధాన, షెఫాలీ వర్మ, భారతి ఫుల్మాలి, హర్మన్ప్రీత్ కౌర్ (కెప్టెన్), రిచా ఘోష్ (వికెట్ కీపర్), గుణాలన్ కమలిని, దీప్తి శర్మ, శ్రేయాంక పాటిల్, శ్రీ చరణి, నందని శర్మ, క్రాంతి గౌడ్.
బంగ్లాదేశ్ మహిళల జట్టు: దిలారా అక్తర్, జువైరియా ఫెర్దౌస్, శోభనా మోస్తరీ, నిగర్ సుల్తానా (కెప్టెన్/వికెట్ కీపర్), షొర్నా అక్తర్, షర్మిన్ అక్తర్, సంజీదా అక్తర్ మేఘ్లా, రబేయా ఖాన్, నహిదా అక్తర్, మరోఫా అక్తర్, సుల్తానా ఖాతూన్.
