- గత ఏడాది డిపాజిట్ల విలువ రూ.36,793 కోట్లు
న్యూఢిల్లీ: స్విస్ బ్యాంకులలో భారతీయుల నిధులు తగ్గాయి. స్విట్జర్లాండ్ సెంట్రల్ బ్యాంక్ విడుదల చేసిన డేటా ప్రకారం, 2025లో ఈ నిధుల విలువ ఎనిమిది శాతం క్షీణించి 3.5 బిలియన్ స్విస్ ఫ్రాంక్స్ (రూ.36,793 కోట్ల) స్థాయికి చేరింది. స్థానిక బ్రాంచ్లు, ఇతర ఆర్థిక సంస్థల ద్వారా వచ్చే నిధులు తగ్గడమే దీనికి కారణం. అయితే వ్యక్తిగత ఖాతాలలో ఉన్న డిపాజిట్లు 50 శాతం పెరిగి 524 మిలియన్ల స్విస్ ఫ్రాంక్స్ (రూ. ఆరు వేల కోట్ల) స్థాయికి చేరుకున్నాయి.
ఈ లెక్కల్లో నల్లధనం వివరాలు లేవు. పన్ను ఎగవేతను అడ్డుకోవడానికి స్విట్జర్లాండ్, భారత్ మధ్య సమాచార మార్పిడి ఒప్పందం అమల్లో ఉంది. ప్రతి సంవత్సరం సమాచారాన్ని అందజేస్తారు. స్విస్ బ్యాంకుల్లో బ్రిటన్కు చెందిన వ్యక్తుల నిధులు ఎక్కువగా ఉన్నాయి. భారత్ 46 వ స్థానంలో నిలిచింది. పాకిస్థాన్ నిధులు కూడా తగ్గాయి. బంగ్లాదేశ్ నిధులు పెరిగాయని స్విట్లర్లాండ్ తెలిపింది.
