షార్జా: లాక్ డౌన్ ఎఫెక్టుతో యూఏఈ లో చిక్కుకున్న ఇండియన్ రిటైర్డ్ ప్రొఫెసర్ హార్ట్ ఎటాక్తో చనిపోయారు. షార్జాలో ఉంటున్న తన కూతురును చూడటానికి వెళ్లిన కేరళకు చెందిన శ్రీ కుమార్(70) శనివారం తిరిగి రావాల్సి ఉంది. కానీ, లాక్ డౌన్ కారణంగా సాధ్యం కాలేదు. శ్రీకుమార్ కు గురువారం ఛాతీ నొప్పి రావడంతో హాస్పిటల్కు తీసుకెళ్లగా.. ట్రీట్మెంట్ పొందుతూ శనివారం చనిపోయినట్లు ఆయన కుటుంబ సభ్యులు వెల్లడించారు. ప్రస్తుత సమయంలో ఆయన బాడీని కూడా సొంతూరుకు తీసుకురాలేమని, షార్జాలోనే దహన సంస్కారాలు నిర్వహించాలని నిర్ణయించినట్లు వెల్లడించారు.
