ప్రపంచ రాజకీయాల్లో ఇండియా సంతతి ప్రజలు సత్తా చాటుతున్నారు. మూడు దేశాలకు ప్రధానులుగా పగ్గాలు చేపట్టారు. ఓ దేశానికి డిప్యూటీ పీఎం కాగలిగారు. కెనడాలో కింగ్ మేకర్లా చక్రం తిప్పారు. బ్రిటన్ పార్లమెంటులో రికార్డ్ స్థాయిలో బలం పెంచుకున్నారు. వివిధ దేశాల్లో ఎన్నారైల సంఖ్య ఏటా పెరుగుతుండటంతో వరల్డ్ పాలిటిక్స్లో మరిన్ని వండర్లు సృష్టించే స్థాయికి ఇండియన్లు ఎదుగుతున్నారు.
విదేశాల్లో స్థిరపడ్డ ఇతర దేశాల ప్రజల సంఖ్యతో పోలిస్తే ఇండియన్లదే పైచేయి. యూఎన్ఓ లేటెస్ట్ రిపోర్ట్ ప్రకారం ప్రపంచ దేశాల్లోని ఎన్నారైల పాపులేషన్ 2 కోట్ల 72 లక్షలకు చేరినట్లు అంచనా. వీళ్లు డాక్టర్లు, డెంటిస్టులు, లాయర్లు, బ్యాంకర్లు, బిజినెస్మెన్లు, ఐటీ ఎక్స్పర్ట్లుగా సక్సెస్ అవుతున్నారు. ఇదంతా ఒక వైపు అయితే, మరో వైపు మనోళ్లు పొలిటీషియన్లుగానూ రాణిస్తున్నారు.
భారత సంతతి వ్యక్తి జగ్మీత్సింగ్ చీఫ్గా ఉన్న ఎన్డీపీ.. కెనడా ఎన్నికల్లో 24 ఎంపీ స్థానాలను ఖాతాలో వేసుకుంది. ఇందులో 18 మంది సిక్కులే. సర్కారుకు సపోర్ట్ ఇవ్వడంతో జగ్మీత్ సింగ్.. కింగ్ మేకర్ అయ్యారు. 2017లో ఎన్డీపీ ప్రెసిడెంట్ అయిన ఈయన ఒకానొక దశలో కాబోయే ప్రధాని అనే ప్రచారమూ జరిగింది. ముగ్గురు సిక్కులకు మంత్రి పదవులు రావటం, ఎన్డీపీ తరఫున 18 మంది సిక్కులు గెలవటం కెనడాలో మనోళ్లు లిఖిస్తున్న కొత్త చరిత్రకు అద్దం పడుతోంది. కెనడాలోని ఒక మేజర్ పొలిటికల్ పార్టీ (ఎన్డీపీ)కి తొలిసారిగా ఓ నాన్–వైట్ పర్సన్ అధ్యక్షుడు కావటంతో ఇతర దేశాల్లోని ఇండియా సంతతి రాజకీయ నాయకులు సాధించిన విజయాలు గుర్తుకొస్తున్నాయి.
పోర్చుగల్ పీఎం ఎన్నారై కొడుకు
ఆంటోనియో కోస్టా 2015 నవంబర్ నుంచి పోర్చుగల్ ప్రధానిగా ఉన్నారు. ఆయనా ఒక ఎన్నారై కొడుకే. కోస్టా తండ్రి యువకుడిగా ఉన్నప్పుడే గోవా నుంచి లిస్బన్కి వలస వెళ్లాడు. తర్వాత రైటర్గా, కమ్యూనిస్ట్ పార్టీ సభ్యుడిగా చేశారు. ఆయన రాజకీయ వారసత్వాన్నే ఇప్పుడు కోస్టా నిలబెడుతున్నాడు.
ఐర్లాండ్ పీఎంకి మహారాష్ట్ర మూలాలు
ఐర్లాండ్కి 2017 జూన్ నుంచి ప్రధానిగా ఉన్న లియో వరాద్కర్ మూలాలు మన దేశంలోనే మహారాష్ట్రలో ఉన్నాయి. ఆయన తండ్రిది ముంబై. సీనియర్ వరాద్కర్ కొన్నాళ్లు ఇంగ్లండ్లో ఉండి ఐర్లాండ్కి వెళ్లాడు. అక్కడామెనే పెళ్లి చేసుకున్నాడు. ఐర్లాండ్లోనే పుట్టి పెరిగిన జూనియర్ వరాద్కర్ పాలిటిక్స్కి రాకముందు తండ్రిలాగే మెడిసిన్ చదివాడు. వెల్ఫేర్ ప్రోగ్రామ్స్లో అవినీతికి పాల్పడేవారిని విమర్శించేవాడు. ఖైదీలకు శిక్షా కాలానికి పరిహారం ఇవ్వాలని డిమాండ్ చేశాడు. ప్రో–యూరప్ విధానాలతో పాపులర్ పొలిటీషియన్ అయ్యారు. లియో వరాద్కర్ తాను ‘గే’నని బహిరంగంగా ప్రకటించారు. ఆయన ప్రపంచంలో నాలుగో ‘గే ప్రైమ్ మినిస్టర్’గా రికార్డుకెక్కారు.
వీళ్లే కాకుండా దక్షిణాఫ్రికా, లాటిన్ అమెరికాలోని గయానా, సురినామ్ దేశాలలో కూడా ఇండియన్ ఆరిజన్గలవాళ్లు మంచి పదవుల్లో ఉన్నారు. ఆయా ప్రాంతాల్లోని తమ కాలనీలకు (వలసరాజ్యాలకు) బ్రిటిష్వాళ్లు ఇండియన్లను కాంట్రాక్ట్ లేబర్గా తీసుకెళ్లారు. అలా వెళ్లినవాళ్లలో చాలామంది వారసులు ఇప్పుడు పొలిటికల్గా ఎదిగారు.
గయానా ప్రధానిగా కాంట్రాక్ట్ లేబర్ కొడుకు
గయానా ప్రధాని మోజెస్ వీరాసామి నాగముత్తు తమిళియన్. ఆయన భార్య పేరు సీత. వీళ్ల పూర్వీకులు బ్రిటిషర్ల కాలంలో కాంట్రాక్ట్ లేబర్గా గయానాకి వెళ్లి అక్కడే స్థిరపడ్డారు. నాగముత్తు లాయర్గా, జర్నలిస్ట్గా, రచయితగా పేరు తెచ్చుకొని, పాలిటిక్స్లో ప్రవేశించారు. 2015లో గయానాకి పీఎంగా, వైస్ ప్రెసిడెంట్గా పగ్గాలు చేపట్టారు. లాటిన్ అమెరికాలో బ్రెజిల్, వెనెజులా, సురినామ్ల సరిహద్దులతో గయానా దేశం ఉంది.
ఇటీవలి బ్రిటన్ పార్లమెంట్ ఎన్నికల్లో ఇండియా సంతతివాళ్లు రికార్డు స్థాయిలో 15 మంది గెలిచారు. అధికార కన్జర్వేటివ్ పార్టీ టికెట్పై ఏడుగురు, ప్రతిపక్ష లేబర్ పార్టీ నుంచి ఏడుగురు, లిబరల్ డెమొక్రటిక్ పార్టీ తరఫున ఒక్కరు విజయం సాధించారు. 2015 ఎలక్షన్లో ఎన్నారైలు 11 మందే సక్సెస్ కాగా, ఈసారి వారితోపాటు ఈ మూడు పార్టీలకు చెందిన మరో నలుగురు ఎన్నికయ్యారు. గత కేబినెట్లోని హోం మినిస్టర్ ప్రీతి పటేల్, ఇంటర్నేషనల్ డెవలప్మెంట్ మినిస్టర్ అలోక్ వర్మ, ఆర్థిక శాఖ చీఫ్ సెక్రెటరీగా చేసిన ఇన్ఫోసిస్ ఫౌండర్ నారాయణమూర్తి అల్లుడు రిషి సునాక్ ఈ ఎన్నికల్లోనూ విక్టరీ కైవసం చేసుకున్నారు.
ధర్మన్ షణ్ముగరత్నం
ధర్మన్కూడా తమిళియనే. వృత్తి రీత్యా ఎకనమిస్ట్. ధర్మన్ కెరీర్ ఎక్కువగా సింగపూర్ సెంట్రల్ బ్యాంక్లోనే సాగింది. పాలిటిక్స్లోకి అరంగేట్రం చెయ్యక ముందు సింగపూర్ ఎడ్యుకేషన్, ఫైనాన్స్ మినిస్టర్గా చేశారు. ఆ తర్వాత ఉప ప్రధానమంత్రిగా ప్రమోషన్ పొందారు. సింగపూర్లో మొదటినుంచీ ఇండియన్లు పెద్ద సంఖ్యలోనే ఉంటూ వచ్చారు. ఆ దేశ జనాభాలో ఇండియా సంతతి ప్రజలు ఐదు శాతం కన్నా ఎక్కువే ఉన్నారు. 1970ల్లో కేంబ్రిడ్జిలో చదువుకునే రోజుల్లో యూనివర్సిటీ పాలిటిక్స్లో చురుగ్గా ఉండేవారు.
సురినామ్ వైస్ ప్రెసిడెంట్ మనోడే
అశ్విన్ అధిన్ 2015లో 35వ ఏటే సురినామ్ దేశానికి వైస్ ప్రెసిడెంట్ అయ్యారు. అక్కడి పద్ధతుల ప్రకారం కేబినెట్ని లీడ్ చేసేది వైస్ ప్రెసిడెంటే. ఆయన పూర్తి పేరు మైఖేల్ అశ్విన్ సత్యేంద్ర అధిన్. ఆ పదవిని అతి చిన్న వయసులోనే చేపట్టి రికార్డులకెక్కారు.. ఇండియన్ ఇమిగ్రేషన్ వేడుకల్లో సురినామ్ ప్రెసిడెంట్ దృష్టిలో అశ్విన్ పడ్డారు. అతనిలో ప్రతిభను గుర్తించి ఎంకరేజ్ చేశారు.
కెనడాలో కొత్త చరిత్ర
అక్టోబర్లో జరిగిన ఫెడరల్ ఎలక్షన్లో గెలిచి మరోసారి ప్రధానిగా బాధ్యతలు చేపట్టిన లిబరల్ పార్టీ లీడర్ జస్టిన్ ట్రుడ్యూ తన కేబినెట్లో అనితాఆనంద్ అనే హిందూ మహిళకు ఛాన్స్ ఇచ్చారు. కెనడా మంత్రివర్గంలో హిందూ మహిళకు చోటు లభించటం ఇదే తొలిసారి. ఆమెతోపాటు ముగ్గురు సిక్కులకూ (నవ్దీప్ బెయిన్స్, బర్దిష్ ఛాగ్గర్, హర్జిత్ సజ్జన్లకూ) బెర్త్ దొరికింది. ఈ ఎన్నికల్లో అధికార లిబరల్ పార్టీకి మేజిక్ ఫిగర్ కన్నా 13 సీట్లు తక్కువ వచ్చాయి. ఆ లోటు న్యూ డెమొక్రటిక్ పార్టీ(ఎన్డీపీ) సభ్యులు బయటనుంచి సపోర్ట్ చేయడంతో భర్తీ అయ్యింది.
అమెరికాలో అన్ని స్థాయిల్లోనూ…
అమెరికా పాలిటిక్స్లో ఎన్నారైలు అన్ని స్థాయిల్లోనూ అదరగొడుతున్నారు. మేయర్లు, సెనేటర్లు, స్టేట్ రిప్రజంటేటివ్స్, సిటీ కౌన్సిల్ మెంబర్స్గా ముందుకు సాగుతున్నారు. డెమొక్రటిక్ పార్టీ కీలక నేతగా కమలా హారిస్ ఒక దశలో అమెరికా అధ్యక్ష పదవికి పోటీదారుగా నిలిచారు. ఆర్థిక ఇబ్బందులతో ఈమధ్యే తప్పుకున్నారు. నిక్కీ హేలీ.. దక్షిణ కేరొలినా తొలి మహిళా గవర్నర్. మైనారిటీ వర్గం నుంచి ఆ పదవి పొందిన తొలి వ్యక్తి. చిన్న వయసులో గవర్నర్ అయిన వ్యక్తిగా ఆమె 2010లో రికార్డు సృష్టించారు. 2014లో తిరిగి గవర్నర్గా ఎన్నికై 2016లో ట్రంప్ ప్రభుత్వంలో చేరేవరకు కొనసాగారు. 2017లో ఐరాసలో అమెరికా రాయబారిగా నియమితులయ్యారు. 2018 అక్టోబర్లో ఆ పదవికీ గుడ్బై చెప్పారు. ఇలా చెప్పుకుంటూ పోతే ప్రపంచ పాలిటిక్స్లో పవర్ చూపుతున్న మనోళ్లు ఎందరో.
For More News..
