లోకనాయకుడు కమల్ హాసన్(Kamal haasan) తన 234వ సినిమాను తమిళ స్టార్ డైరెక్టర్ మణిరత్నం(Manirathnam)తో చేస్తున్న విషయం తెలిసిందే. 1987లో వచ్చిన సూపర్ హిట్ నాయకుడు(Nayakudu) తరువాత ఈ కాంబోలో మళ్ళీ రిపీట్ అవలేదు. దాదాపు 37 ఏళ్ల తరువాత వస్తున్న పవర్ ఫుల్ కాంబో కావడంతో ఈ ప్రాజెక్టు పై ఇప్పటినుండే భారీ అంచనాలు ఏర్పడ్డాయి.
తాజాగా ఈ ప్రాజెక్టు నుండి మరో ఇంట్రెస్టింగ్ న్యూస్ ఇండస్ట్రీ వర్గాల్లో వైరల్ గా మారింది. అదేంటంటే.. ఈ ప్రెస్టీజియస్ ప్రాజెక్టు కోసం మరి ఇద్దరు స్టార్ హీరోలను కూడా తీసుకోవాలని ఫిక్స్ అయ్యారట దర్శకుడు మణిరత్నం. ఆ ఇద్దరు మరెవరో కాదు.. మళయాళ నటుడు దుల్కర్ సల్మాన్ఎం తమిళ నటుడు జయం రవి. అంతేకాదు.. తెలుగు ఇండస్ట్రీ నుండి కూడా ఓ యంగ్ హీరో ఈ ప్రాజెక్టు లో యాక్ట్ చేయనున్నట్లు సమాచారం. ప్రస్తుతం ఈ న్యూస్ ఇండస్ట్రీ వర్గాల్లో తెగ వైరల్ అవుతోంది. ఇక త్వరలోనే ఈ వార్తలపై అధికారిక ప్రకటన వచ్చే అవకాశం ఉంది.
పొన్నియిన్ సెల్వన్ సిరీస్ తో భారీ విజయాన్ని అందుకున్న మణిరత్నం ఈ కమల్ కోసం మరో పీరియాడికల్ డ్రామాను సెట్ చేశారట. అందులో భాగంగానే హై టెక్నీకల్ వ్యూల్యూస్ అండ్ ఇంటర్నేషనల్ స్టాండర్డ్స్ తో ఈ సినిమా రూపొందనుందని సమాచారం. పాన్ ఇండియా లెవల్లో తెరకెక్కనున్న ఈ సినిమా కోసం ప్రతీ ఇండస్ట్రీ నుండి స్టార్ యాక్టర్స్ ను తీసుకోనున్నారట మేకర్స్. దీంతో ఈ సినిమాపై ఇప్పటినుండే భారీ అంచనాలు పెరిగిపోయాయి. మరి రిలీజ్ తరువాత ఈ సినిమా ఏ రేంజ్ లో సక్సెస్ కానుందో చూడాలి మరి.
