IPL 2027 auction: ఐపీఎల్ 2027 (IPL 2027) మినీ వేలానికి రంగం సిద్ధమైంది. గత మూడు సీజన్లుగా విదేశాల్లో (దుబాయ్, జెడ్డా, అబుదాబి) జరిగిన ఈ వేలం ప్రక్రియ, ఎట్టకేలకు తిరిగి భారతగడ్డపైకి అడుగు పెట్టబోతుంది. బోర్డు వర్గాల నుంచి అందిన సమాచారం ప్రకారం.. డిసెంబర్ 16వ తేదీన గోవాలోని ప్రఖ్యాత ఐటీసీ గ్రాండ్ హోటల్ (ITC Grand Hotel) వేదికగా 10 ఐపీఎల్ ఫ్రాంచైజీల సమక్షంలో ఈ వేలం జరగనుంది.
వాట్సాప్ ద్వారా షెడ్యూల్ లీక్:
బీసీసీఐ (BCCI) లాజిస్టిక్స్ టీమ్ ఈరోజు (2026, అక్టోబర్ 17, శనివారం) అన్నీ ఫ్రాంచైజీలకు పంపిన వాట్సాప్ మెసేజ్ ద్వారా ఈ వేలం తేదీలు వెలుగులోకి వచ్చాయి. దీని ప్రకారం డిసెంబర్ 15న వేలానికి సంబంధించిన బ్రీఫింగ్ (Auction Briefing) సమావేశం జరగనుండగా, డిసెంబర్ 16న ప్రధాన వేలం నిర్వహిస్తారు. అయితే, ఫ్రాంచైజీల యజమానులు, చీఫ్ ఎగ్జిక్యూటివ్‌లకు (CEOs) ఇప్పటి వరకు ఎలాంటి అధికారిక ఈమెయిల్ రాలేదని, బోర్డు నుంచి అధికారిక ప్రకటన వచ్చే వరకు ఈ తేదీలు మారే ఛాన్స్ ఉందని తెలుస్తుంది. ఇది ఒకరోజు జరిగే మినీ వేలం (Mini Auction) కానుంది.
భారత్ vs శ్రీలంక మ్యాచ్‌తో తేదీ క్లాష్:
ఈ ప్రపోజ్ చేసిన వేలం తేదీ షెడ్యూల్‌లో ఒక ఆసక్తికర అంశం ఉంది. డిసెంబర్ 16వ తేదీనే బెంగళూరులోని చిన్నస్వామి స్టేడియంలో భారత్ వర్సెస్ శ్రీలంక జట్ల మధ్య రెండో వన్డే (IND vs SL ODI) మ్యాచ్ జరగనుంది. ఒకవైపు ఐపీఎల్ వేలం జరుగుతుంటే, అదే రోజున టీమిండియా మ్యాచ్ ఉండటం గమనార్హం. శుభ్‌మన్ గిల్, శ్రేయస్ అయ్యర్ లాంటి పలువురు ఫ్రాంచైజీ కెప్టెన్లు, సీనియర్ స్టార్ ఆటగాళ్లు జాతీయ జట్టు తరఫున ఆ మ్యాచ్‌లో బిజీగా ఉండే ఛాన్స్ ఉంది.
JUST IN 🚨 IPL teams told to prepare for auction on December 16 in Goa. Multiple franchises have confirmed receiving a message from the BCCI logistics team. #IPL2027 #IPLAuction https://t.co/yAnCwDc3Wc
— Cricbuzz (@cricbuzz) October 17, 2026
