- హమాస్ మిలిటెంట్లను ఏరిపారేస్తున్న ఇజ్రాయెల్ సైన్యం
టెల్అవీవ్: హమాస్ మిలిటెంట్ల ఏరివేతలో ఇజ్రాయెల్ సైన్యంతో కలిసి అక్కడి పోలీసులు చేపడుతున్న ఆపరేషన్లు ఒక్కొక్కటిగా వెలుగులోకి వస్తున్నాయి. తాజాగా ఇజ్రాయెల్ బార్డర్ పోలీసులు హమాస్ మిలిటెంట్లను వెంటాడిన వీడియో ఒకటి వైరల్గా మారింది. ఆ దేశ సైన్యంతో పాటు పోలీసులు బార్డర్ ఏరియాను జల్లెడ పడుతూ హమాస్ మిలిటెంట్లను ఏరిపారేస్తున్నారు.
ఈ క్రమంలో కారులో పారిపోతున్న హమాస్ మిలిటెంట్లను వెంటాడి హతమార్చిన వీడియో ఒకటి ఇప్పుడు సోషల్ మీడియాలో వైరల్ అవుతున్నది. సినిమాలో ఛేజింగ్ సీన్ ను తలదన్నేలా ఉన్న ఈ వీడియోను ఇజ్రాయెల్ పోలీసు విభాగం ఎక్స్(ట్విట్టర్)లో పోస్ట్ చేసింది. ఈ వీడియోలో కనిపిస్తున్న కాల్పుల విజువల్స్సినిమా సీన్ను తలపిస్తున్నాయి. హమాస్ మిలిటెంట్లు ప్రయాణిస్తున్న కారును ఇజ్రాయెల్ పోలీసు ఒకరు తన బైక్తో వెంబడించాడు.
ఈ క్రమంలో మిలిటెంట్ల కారు సమీపంలోకి వెళ్లి బైక్ పై నుంచి ఒంటి చేత్తోనే గన్తో కాల్పులు జరిపాడు. అదే సమయంలో మరో కారులో వెనకే వచ్చిన ఇంకో ఇద్దరు పోలీసులు మిలిటెంట్లపై పలు రౌండ్ల కాల్పులు జరిపారు. దీనికి సంబంధించిన విజువల్స్ పోలీసు బాడీ కెమెరాలో రికార్డయ్యాయి. ఈ వీడియో చూసిన నెటిజన్లు ఇజ్రాయెల్ పోలీసులను ప్రశంసిస్తున్నారు.