డీసీసీబీ చైర్మన్కు పదవీ గండం !

గొంగిడి మహేందర్రెడ్డిపై డైరెక్టర్ల తిరుగుబాటు
డీసీవోకు అవిశ్వాస తీర్మానం నోటీసు
ఈనెల 28న అవిశ్వాసం ఓటింగ్
ఆలోపు చైర్మన్ పదవికి రాజీనామా చేయాలని ఆలోచన

నల్గొండ, వెలుగు : ఆలేరు మాజీ ఎమ్మెల్యే గొంగిడి సునీత భర్త, డీసీసీబీ చైర్మన్ గొంగిడి మహేందర్రెడ్డికి పదవీ గండం ఏర్పడనున్నట్లు తెలిసింది. చైర్మన్కు వ్యతిరేకంగా డీసీసీబీ డైరెక్టర్లు సోమవారం డీసీవో కిరణ్కుమార్కు అవిశ్వాస తీర్మానం నోటీస్ అందజేశారు. పాలకవర్గంలో 19 మంది డైరెక్టర్లుగా ఉండగా, 14 మంది చైర్మన్కు వ్యతిరేకంగా సంతకాలు చేశారు. వైస్ చైర్మన్ ఏసిరెడ్డి దయాకర్రెడ్డి విదేశీ పర్యటనలో ఉన్నందున ఆయన రాలేదు. ఆయనతో కలిపితే అవిశ్వాస తీర్మానికి మద్దతు తెలిపే డైరెక్టర్ల సంఖ్య 15కు చేరనుంది.

చైర్మన్ పదవి నుంచి దించేందుకు సొసైటీ నిబంధనల మేరకు 2/3 వంతు మెజార్టీ కావాలి. మెజార్టీపరంగా ఇప్పుడున్న సంఖ్య అవిశ్వాస తీర్మానం ఆమోదించడానికి సరిపోతుందని అధికారులు తెలిపారు. ఈనెల 28న డీసీసీబీలో అవిశ్వాస తీర్మానంపై ఓటింగ్ ఉంటుందని డీసీవో తెలిపారు. దీనికంటే ముందుగానే చైర్మన్ తప్పుకునేందుకు సిద్ధమైనట్టు సమాచారం. టెస్కాబ్ చైర్మన్, వైస్ చైర్మన్ పై ఇదే రకంగా అవిశ్వాస తీర్మానం పెట్టగా, అంతకంటే ముందుగానే వైస్చైర్మన్మహేందర్రెడ్డి పదవికి రాజీనామా చేశారు. ఇప్పుడు కూడా మహేందర్రెడ్డి జిల్లా బాధ్యతల నుంచి తప్పుకునేందుకు ఏర్పాట్లు చేసుకుంటున్నారు.

చక్రం తిప్పిన ఎమ్మెల్యే రాజగోపాల్ రెడ్డి..

మహేందర్రెడ్డిని డీసీసీబీ చైర్మన్పదవి నుంచి దింపడంలో మునుగోడు ఎమ్మె ల్యే కోమటిరెడ్డి రాజగోపాల్రెడ్డి తెరవెనక చక్రం తిప్పారు. ఆయన సూచన మేరకు మునుగోడు నుంచి డీసీసీబీకి ప్రాతినిధ్యం వహిస్తున్న కుంభం శ్రీనివాస్రెడ్డి చైర్మన్రేసులో దిగారు. బీఆర్ఎస్డైరెక్టర్లతో మంతనాలు జరపడం, చైర్మన్కు వ్యతిరేకంగా పావులు కదపడంలో సక్సెస్అయ్యారు. అయితే, మహేందర్రెడ్డి కాంగ్రెస్లో చేరుతారని తొలుత ప్రచారం జరిగింది. ఒకవేళ ఆయన కాంగ్రెస్లో చేరితే వచ్చే దఫా టెస్కాబ్స్టేట్చైర్మన్చేస్తామని ఆఫర్ కూడా ఇచ్చినట్టు తెలిసింది.

ఒకప్పుడు జానారెడ్డి శిష్యుడైన మహేందర్రెడ్డి కాంగ్రెస్లోకి వస్తారనే భావించారు. ఆలేరులో మూడుసార్లు ఎమ్మెల్యేగా పోటీ చేసి, రెండు సార్లు గెలుపొందిన అతడి భార్య సునీత పొలిటికల్ కెరీర్, డీసీసీబీ చైర్మన్ పదవితోపాటు తన అనుచరుడు శ్రీకర్రెడ్డికి డెయిరీ చైర్మన్పదవులన్నీ మాజీ సీఎం కేసీఆర్తమపై నమ్మకంతో అప్పగించారని, ఇప్పుడున్న పరిస్థితుల్లో పార్టీకి అన్యాయం చేయలేమని కాంగ్రెస్ ఆఫర్ను తిరస్కరించినట్టు ఆయన వర్గీయులు తెలిపారు.

చైర్మన్ ఏకపక్ష వైఖరి వల్లే అవిశ్వాస తీర్మానం :

చైర్మన్ఏకపక్ష నిర్ణయాల వల్లే ఆయన మీద అవిశ్వాస తీర్మానం పెట్టాల్సి వచ్చిందని డైరెక్టర్ కుంభం శ్రీనివాస్ రెడ్డి తెలిపారు. పాలకవర్గంలో తీసుకున్న నిర్ణయాలపై ఎలాంటి చర్చలు, సమీక్షలు లేకుండా ఏకపక్షంగా తీసుకున్న నిర్ణయాలతో డైరెక్టర్లు ఇబ్బంది పడ్డారని తెలిపారు. జిల్లా మంత్రులు ఉత్తమ్కుమార్ రెడ్డి, కోమటిరెడ్డి వెంకట్రెడ్డి, ఎమ్మెల్యే కోమటిరెడ్డి రాజగోపాల్రెడ్డి సపోర్ట్కూడా తమకు ఉందన్నారు.