జడ్చర్ల, వెలుగు : డబుల్ బెడ్రూం ఇండ్లకు లెక్కకు మించి అప్లికేషన్లు రావడంతో అందరికీ ఇండ్లు ఇవ్వలేదని, ఇండ్లు రానోళ్లు తిట్టుకోవద్దని జడ్చర్ల ఎమ్మెల్యే సి లక్ష్మారెడ్డి కోరారు. బుధవారం జడ్చర్ల మున్సిపాలిటీలోని కావేరమ్మపేటలో నిర్మించిన 120 డబుల్ బెడ్రూం ఇండ్ల పట్టాలను మున్సిపల్ చైర్ పర్సన్ దోరేపల్లి లక్ష్మీ రవీందర్తో కలిసి లబ్ధిదారులకు అందజేశారు.
ఈ సందర్భంగా ఎమ్మెల్యే మాట్లాడుతూ ఎర్ర గుట్టలో 560, కావేరమ్మపేటలో 120, బోయలకుంటలో 80 ఇండ్లు కట్టించి అర్హులైన పేదలకు పంపిణీ చేస్తున్నామని, ఇందులో అర్హత ఉండి ఇండ్లు రాని పేదలు మిగిలిపోతే మిగిలిన ఇండ్లు ఇస్తామని చెప్పారు. జడ్పీ వైస్చైర్మన్ కోడ్గల్ యాదయ్య, ప్రణీల్చందర్, డీసీఎంఎస్ చైర్మన్ పట్ల ప్రభాకర్రెడ్డి, వైస్ చైర్ పర్సన్ పాలాది సారిక రామ్మోహన్ పాల్గొన్నారు.
