జమ్మూ కశ్మీర్ లో ఉగ్రవాదులు మరోసారి కాల్పులకు పాల్పడ్డారు. షీరీ బారాముల్లాలోని గంత్ముల్లా వద్ద రిటైర్డ్ పోలీసు అధికారి మహ్మద్ షఫీ మీర్ మసీదులో అజాన్ ప్రార్థనలు చేస్తుండగా ఉగ్రవాదులు అతనిపై కాల్పులు జరిపారు. ఈ ఘటనలో తీవ్ర గాయాలపాలైన ఆయన మరణించారని జమ్మూ కశ్మీర్ పోలీసులు తెలిపారు. ఘటన అనంతరం పోలీసు బలగాలు ఆ ప్రాంతాన్ని చుట్టుముట్టాయి.
ఈ ఘటనపై కశ్మీర్ జోన్ పోలీసులు ఎక్స్ లో పోస్టు పెట్టారు. నవంబర్ నెలలో శ్రీనగర్‌లోని ఈద్గా మసీదు సమీపంలో ఉగ్రవాదులు జరిపిన కాల్పుల్లో రాష్ట్ర పోలీసు ఇన్స్పెక్టర్ తీవ్రంగా గాయపడ్డారు. ఈ ఘటన అనంతరం అతడిని సమీపంలోని ఆస్పత్రిలో చేర్పించారు. శ్రీనగర్‌లోని ఈద్గా మైదానంలో ఇన్స్పెక్టర్ మస్రూర్ అహ్మద్ వానీ స్థానిక యువకులతో క్రికెట్ ఆడుతుండగా ఈ ఘటన జరిగింది
#Terrorists fired upon Shri Mohd Shafi, a retired police officer at Gantmulla, Sheeri #Baramulla, while praying Azan in the mosque and succumbed to injuries. Area has been #cordoned off. Further details awaited.@JmuKmrPolice
— Kashmir Zone Police (@KashmirPolice) December 24, 2023
