పాలకుర్తి, వెలుగు : ట్రాక్టర్ బోల్తాపడి బాలుడు మృతి చెందిన ఘటన జనగామ జిల్లా పాలకుర్తి మండలం గూడూరులో జరిగింది. ఎస్సై దూలం పవన్ కుమార్ వివరాల ప్రకారం.. గ్రామానికి చెందిన కాసోజు ఉపేంద్ర బ్రహ్మచారి కొడుకు సాయి సంగీత్ (15) శనివారం స్నేహితుడు నితిన్ ట్రాక్టర్పై పొలానికి వెళ్తున్నారు. గ్రామ సమీపంలోని ముడుసుగడ్డ తండా వెళ్లే దారిలో ఎదురుగా వస్తున్న కారును తప్పించగా ట్రాక్టర్ అదుపు తప్పి రోడ్డు పక్కనే ఉన్న కందకంలో పడింది. దీంతో డ్రైవింగ్ సీట్లో ఉన్న నితిన్ ప్రాణాలతో బయట పడగా, సాయి సంగీత్ అక్కడికక్కడే మృతిచెందారు. కేసు నమోదు చేసుకున్న పోలీసులు దర్యాప్తు చేస్తున్నారు.
