శంకర్పల్లి, వెలుగు: ఆలయంలో హుండీ పగులగొట్టి నగదు ఎత్తుకెళ్లిన ఘటన సోమవారం రంగారెడ్డి జిల్లా శంకర్పల్లిలో జరిగింది. శంకర్పల్లి డీఐ లక్ష్మారెడ్డి తెలిపిన వివరాల ప్రకారం.. మున్సిపాలిటీ పరిధిలోని బుల్కాపురం కాళీమాత దేవాలయంలో ఆదివారం అర్ధరాత్రి దొంగలు పడ్డారు. గుడిలోని హుండీని పగులగొట్టి నగదు ఎత్తుకెళ్లారు.
హుండీని మూడు నెలల నుంచి తెరవలేదని ఆలయ పూజారి నరేశ్శర్మ తెలిపారు. అక్కడి సీసీ కెమెరాలు కొద్దికాలంగా పనిచేయకపోవడంతో రెండ్రోజుల క్రితమే వాటిని తొలగించి, కొత్తవాటిని ఏర్పాటు చేసేందుకు ప్రయత్నాలు చేస్తుండగా ఈ ఘటన జరిగినట్లు పూజారి పేర్కొన్నారు. కేసు నమోదు చేసుకొని దర్యాప్తు చేస్తున్నట్లు డీఐ తెలిపారు.