- చైర్పర్సన్గా గడ్డం ఇందుప్రియ
కామారెడ్డి, వెలుగు: కామారెడ్డి మున్సిపాలిటీ కాంగ్రెస్ పార్టీ ఖాతాలో పడింది. చైర్పర్సన్గా ఆ పార్టీకి చెందిన గడ్డం ఇందుప్రియ ఎన్నికయ్యారు. చైర్పర్సన్ ఎన్నిక కోసం సోమవారం మున్సిపల్ ఆఫీస్ కాన్ఫరెన్స్ హాల్లో ఆర్డీవో రఘునాథ్రావు మీటింగ్ నిర్వహించారు. హైదరాబాద్లో క్యాంపులో ఉన్న కాంగ్రెస్ కౌన్సిలర్లను బస్సులో నేరుగా మున్సిపల్ ఆఫీసుకు తీసుకొచ్చారు.
చైర్పర్సన్ పదవి కోసం ఇద్దరు కౌన్సిలర్లు పోటీ పడగా , ఎన్నిక టైంకు కొద్ది ముందు షీల్డ్కవర్లో వచ్చిన గడ్డం ఇందుప్రియ పేరును ప్రకటించారు. మొత్తం 49 మంది సభ్యులకు గాను 28 మంది మీటింగ్కు హాజరయ్యారు. మీటింగ్కు హాజరైన వారంతా ఇందుప్రియకు మద్దతుగా చేతులెత్తడంతో గడ్డం ఇందుప్రియ చైర్పర్సన్గా ఎన్నికైనట్లు ఆర్డీవో ప్రకటించారు. అనంతరం ఆమె చేత ప్రమాణం చేయించారు. కార్యక్రమంలో కమిషనర్ సుజాత పాల్గొన్నారు.
మీటింగ్కు దూరంగా బీఆర్ఎస్, బీజేపీ కౌన్సిలర్లు
చైర్ పర్సన్ ఎన్నిక మీటింగ్కు బీఆర్ఎస్, బీజేపీకి చెందిన 21 మందికౌన్సిలర్లు దూరంగా ఉన్నారు. మిగతా పార్టీ కౌన్సిలర్లు కలిసి వస్తే తాము కూడా చైర్పర్సన్ పోటీలో ఉంటామని బీజేపీ ప్రకటించింది. బీఆర్ఎస్ కూడా పోటీలో ఉండేందుకు ప్రయత్నించింది. చైర్పర్సన్ పదవి కోసం కాంగ్రెస్ పార్టీలో ఇద్దరు కౌన్సిలర్లు పోటీ పడుతున్నందున ఏమైనా నాటకీయ పరిణామాలు చోటు చేసుకుంటే రంగంలోకి దిగాలని రెండు పార్టీలు అనుకున్నా సాధ్యం కాలేదు. కాంగ్రెస్ సభ్యులంతా షీల్డ్ కవర్లో వచ్చిన వ్యక్తికే కౌన్సిలర్లు మద్దతు తెలిపారు. పదవి ఆశించి దక్కని కౌన్సిలర్ ఉరుదొండ వనిత నిరాశతో వెళ్లిపోయారు.
పట్టణాన్ని అన్నివిధాలా అభివృద్ధి: గడ్డం ఇందుప్రియ, చైర్పర్సన్
కామారెడ్డి టౌన్ను అన్ని విధాలా అభివృద్ధి చేస్తానని గడ్డం ఇందుప్రియ పేర్కొన్నారు. ఎన్నిక తర్వాత ఆమె మీడియాతో మాట్లాడుతూ... తనపై నమ్మకం ఉంచి చైర్పర్సన్ పదవి అప్పగించిన సీఎం రేవంత్రెడ్డి, ప్రభుత్వ సలహాదారు షబ్బీర్అలీకి కృతజ్ఞతలు తెలిపారు. అందరి సహకారంతో పని చేస్తానన్నారు.
