టాలీవుడ్ క్రేజీ హీరో విజయ్ దేవరకొండ, రష్మిక హీరోహీరోయిన్లుగా నటించిన డియర్ కామ్రేడ్ విడుదలకు సిద్ధంగా ఉంది. ఈ నెల 26 న తెలుగు, తమిళ, కన్నడ, మలయాళ భాషల్లో ఈ చిత్రం విడుదల కానుంది. అయితే ఈ చిత్రం హిందీలో కూడా రానుంది. బాలీవుడ్‌ ప్రముఖ నిర్మాత కరణ్ జోహర్‌ ఈ సినిమాను హిందీలో రీమేక్ చేయనున్నట్టు ఇన్ స్టాగ్రామ్ ద్వారా తెలిపారు.
డియర్ కామ్రేడ్ హిందీ రీమేక్ రైట్స్ ను తాను సొంతం చేసుకున్నట్టు తెలిపారు కరణ్ జోహార్. ఈ సినిమాని హిందీలో ధర్మ ప్రొడక్షన్స్ రీమేక్ చేయబోతోందని తెలుపడానికి ఆనందిస్తున్నాను అని చెప్పారు. ఈ విషయాన్ని తన ఇంస్టాగ్రామ్ ద్వారా పోస్ట్ చేశారు.
తాను సినిమా చూశానని, విజయ్, రష్మికలు అద్భుతంగా నటించారని ట్వీట్ చేశారు. భరత్‌ కమ్మ అత్యద్భుతంగా చిత్రీకరించారని, జస్టిన్‌ ప్రభాకరన్ సంగీతం బాగుందని తన ట్వీట్ లో తెలిపారు.
Stunning and powerful love story! With top notch performances and exceptional music by @justin_tunes On point debut direction by @bharatkamma @TheDeverakonda is BRILLIANT as is @iamRashmika well done @MythriOfficial ! ANNOUNCING that @DharmaMovies to REMAKE this beautiful film pic.twitter.com/IRZJ7fTZ9L
— Karan Johar (@karanjohar) July 23, 2019
